外籍男疑失戀跳渠 巴漢落水救人：「生命寶貴，唔係垃圾!」

早上約9時，一名外籍中年男子，被發現在元朗喜利徑對開的明渠，載浮載沉。一名巴裔男子Babar上班時行經上址，發現渠中有人遇溺昏迷，立即不顧一切落水救人，約遇溺男子抱離水面，其他途人則拋下膠椅，讓Babar能將事主放在椅上，等候救援人員到場，幸而未幾事主已甦醒過來。消防趕至將事主救上岸，再交由救護員急救送院。據知並無性命危險，腳部受傷，但疑因醉酒仍迷迷糊糊。

Babar立時成為救人英雄，不少市民見狀讚揚：「果條渠好污糟，佢咁都肯落去救人!」。據知，他在附近當清潔工人，由於救人心切，未及將電話放低就已經落水。由於水浸及腰，事後他的舊款iPhone4電話被水浸壞，仍未通知老闆暫時未能上班。對於市民的稱讚，他以純正廣東話向記者稱：「為救人無所謂呀，見到人梗係救，生命好寶貴，唔係垃圾呀!」

事發時，他待事主甦醒後問其原因，事主稱自己被女友拋棄，Babar隨即安慰：「女人無左咪無左囉，無左就再搵過囉!自己寶貴生命，咁樣死左好無謂!舊既唔去，新既唔黎呀!」他稱，自己之前亦試過救人，是目擊一宗車禍，上前協助傷者。

▲ Babar事後接受記者訪問。

防止自殺求助熱線

香港撒瑪利亞防止自殺會 / 2389 2222 / touch@sbhk.org.hk / 24小時 / 廣東話

撒瑪利亞會24小時多語服務 / 2896 0000 / jo@samaritans.org.hk / 24小時 / 廣東話

生命熱線 / 2382 0000 / admin@sps.org.hk / 24小時 / 廣東話

向晴熱線 / 18288 / fcsc@cfcsc.org.hk / 24小時 / 廣東話

東華三院芷若園 / 18281 / ceasecrisis@tungwahcsd.org / 24小時/ 廣東話﹑英語及普通話

協青社青少年服務熱線 / 90881023 / yoenquiry@yo.org.hk / 24小時 / 廣東話

社會福利署熱線 / 2343 2255 / swdenq@swd.gov.hk / 一至五：09:00時至17:00﹑六：09:00-12:00﹑其餘時段：可選擇按「0」 字，將電話轉駁到東華三院熱線及外展服務隊，與當值社工聯絡）

醫管局精神健康專線 / 2466 7350 / - / 24小時 / 廣東話

資料來源：本報綜合各機構網頁資料