幸福父親徐榮不做偏心爸：仔女健康成長已滿足

徐榮讓愛女徐心怡(包包)自從年初加入處境劇《愛。回家》大家庭，化身「馬家好」，憑着可愛包包臉、眼仔碌碌、萌爆表情贏盡網民心。

處境劇於4月播畢後，網民就繼續黏實徐榮及太太的臉書專頁，留意着心怡如何由手抱嬰，演變到成現在8個月大的趣緻小女孩。仍在外地工作的徐榮，跟TOPick記者透過電話，表示對愛女和大仔的支持，心怡要息影啦，到五、六歲才決定是否復出，至於大仔徐朗，就像朋友般一起踢足球。父親節到了，徐榮肯定是個幸福的爸爸。

▲ 徐心怡今年初在《愛。回家》客串演B女馬家好，深受觀眾歡迎。( 受訪者提供)

徐榮對於愛女心怡被LIKE爆，口裏說着仍感到不可思議。

當初是監製見到心怡的相片，覺得好可愛，才安排她做特約演員。2個月大就開始拍劇，拍了約兩個月，其實我和太太都好緊張，始終仲細。但出街後觀眾迴響很好，很多人在網上留言說想多見到『馬家好』，見到佢就開心，所以才開了個專頁，甫相和大家分享。

B女心怡暫息影

徐榮近日又和心怡父女檔拍廣告，問這位爸爸是否想捧心怡做童星，他說沒有此意。接拍廣告只因拍攝時間短，而且又只得父女二人，不會麻煩到其他演員。哪麼心怡稍後會否再拍戲、拍劇？

暫時都不想，因為拍劇始終時間長，若監製、攝影師個個就哂佢，拍左佢先，又會影響到其他演員要等，我都唔想。到佢6、 7 歲時睇下佢有沒有興趣拍再講。

▲ 兄妹二人合照。（相片來源：徐榮facebook）

心怡深受觀眾歡迎，跟爸媽出街肯定成為焦點，9 歲哥哥徐朗又可會呷醋？

妹妹未出世時，他和我們出街一樣吸引目光，加上妹妹拍過劇，所以多人留意，他好理解的。當然，我同太太早有默契，照顧妹妹之餘也不忽略哥哥我晚上不用開工，便一定會陪他傾下偈。除了踢波，也會和他一齊彈結他。

踢足球，可算是兩父子溝通橋樑。

大仔3歲左右開始，我就和他在屋苑平台踢膠波樓下球場開始踢。他有興趣玩，5歲時入了香港的阿仙奴足球學校，開始接受正規訓練，現在就加入了傑志足球學院。一星期有3個黃昏要練波，每次個多小時。佢讀國際學校無考試，少功課壓力，才有時間發展興趣。我若有時間，也會同佢一齊踢波。

▲ 徐榮是開明的運動型爸爸，跟兒子在球場建立父子情。(受訪者提供)

支持大仔當足球小將
 

以前我都算是個嚴父，大仔讀書專注力差了一點，做功課未做完又會走左去玩，我會話佢。但他踢波訓練多了，個人精神集中了，透過球隊操練，也學識了怎樣和別人合作，人也成熟了。

現在大家溝通多左，有時好似朋友咁有傾有講。今年3 月尾，我們把心怡交托外母湊，我們陪他一齊去巴塞隆拿，睇佢比賽，讓他知道父母都好支持他。

▲ 徐榮大仔徐朗9 歲，矢志當足球員。(受訪者提供)

對於兒子的足球夢想，徐榮大表支持：

我同佢講在香港做動員好辛苦，待遇又不太好，要有心理準備。我對他讀書沒有太高要求，又不會要求他有很高學歷。其實能夠看着一對仔女健康成長，已經好滿足了。

父親此角色從來都是邊做邊學的，徐榮最希望未來在教導仔女方面，學會怎樣取得平衡，不鬆又不會太緊就最好了。