去過一次中環百年唱錢無下次

其實在港女的字典中，去日本旅遊真係唔需要任何理由，前排狂升的日圓呢幾日「腳軟」跌少少，作為港女點可以唔返「鄉下」shopping？講到唱錢，身邊唔少朋友都去中環百年找換店，港女卻自從上年幫襯後，覺得此等經驗「可一不可再」！

1. 人山人海

話說港女上年去百年打算唱定「盤川」暢遊歐洲，點知去到華人銀行大廈，已經見到條長到不見尾的人龍，當時心想是有限量版波鞋發售嗎？還是有平價開倉貨？後來先知是排隊唱錢。

「千里迢迢來到無可能折返啩！」，就是呢個「傻豬豬」嘅念頭，港女中伏了。港女踩住對5寸高踭鞋，排了半小時電梯終於去到17樓，以為勝利在望，點知發現人龍排出店外後樓梯，最後在後樓梯「焗」了一個小時左右，企到腳都差唔多斷，前前後後浪費了2小時才順利唱錢。

身在中環的打工仔還可以在午飯時間到百年換錢，然而每年有不少「傻豬豬」從新界大西北來到中環百年換錢，慳了十元八塊，但時間車錢係返度，「贏粒糖輸間廠」！除非要換「幾球野」，否則千里迢迢來百年真的「晒gas」！

2. 靈活性低

百年網站標明如果沒有預留貨幣，需要在星期一至五下午3時半前，或星期六上午11時半前進行交易；如果已預留貨幣的話，數目不可取消及更改，亦必須於致電兩小時後於即日下午6時前到店取貨幣，2時後已預留的貨幣亦請於4時半後6時前取。

時間可謂非常「吊釘」，除了中環上班族﹑住在百年附近的居民或專程請假，港女實在想不到有誰可以趕及死線換錢。

3. 職員態度差

港女早已聽聞百年職員態度「囂屎」，有網民聲稱曾在百年預留貨幣，結果到達後發現無貨要重新排隊。

港女亦聽說可以用電話先「hold」貨幣，於是出發換錢前先打電話，豈料職員回道：

唔可以hold架wor，話咗『要』就即係『買』，到時唔買就要補差價。

心想：

真係慘過問你借！下次都唔幫襯你*&/*^%

4. 兌換率不是特低

大家不要為了一棵樹而放棄整個森林，其實坊間除了百年找換店外，還有不少有名的找換店，而且不局限於港島區，地點方便。以下為5間坊間較為有名的找換店今日（22日）日圓牌價：

而匯豐銀行今日的日圓買入價為0.0723，賣出價為0.07408；中銀的買入價為0.07315，賣出價為0.07351。百年的兌換率與銀行比較當然十分有「數」，但與坊間的找換店比較則「相差無幾」！

5. 用銀聯是常識吧！

除了去找換店唱錢，其實可以用銀聯卡去到旅遊目的地銀行直接提款，靈活性高而且夠曬方便。港女提提大家，要用銀聯卡提款，必須在離境前先開通海外提款功能，而且每次用銀聯卡提款是要收取手續費，具體金額因應不同銀行而異，詳情請自行向銀行查詢。

原文刊於「我係真港女」Facebook，TOPick獲授權轉載。

--------------------------------------------------------

【其他熱話】

識玩一定玩夏祭 關東關西7大必去夏祭

日本花火大會懶人包　嚴選九州廣島必看推薦

日本浴衣着法有學問 着錯隨時變壽衣