香港教育最大問題就係制度！

香港，不乏有心的老師，無論中學小學定幼稚園，相信當初都係熱血，先入行，點知，一個二個，就俾教育制度玩謝。

唔好話老師，家長都一樣！

近來幼界熱話，就係幼兒班k1禁寫字。就咁睇好似好好，但只要你睇遠啲，你就會發覺，其實呢件事要做得成，係成個教育制度既問題。

k1唔寫，到4-5歲k2先預備，但上到k3好快就升小一，小一第一次測驗就7-8頁紙，咁，你點說服家長唔咁早寫字？

永遠，就只看到眼前一小層，就是沒看到每層環環緊扣咁影響緊⋯⋯

你叫老師要點做？你一句，我地就做到隻野咁！

你一句，我地就要做足。但又明知小朋友上到小學係追得好辛苦，你叫我地可以點？

成日有人話宜家咁，唔多唔少係我地老師做成，其實都幾冤枉。好多野，並唔係非黑即白架⋯

不如，由中學諗啦，由dse諗返落黎，再去到小學呈分試，最後先搞我地幼稚園啦，好唔好？

【其他熱話】最好身教媽媽自白：感激兒子陪我行山執垃圾

【其他熱話】以生命影響孩子　兒童之家院長：教導正確價值觀