【烹飪教煮】大廚教煲陳皮紅豆沙　片糖冰糖各半夠清潤【有片】

秋冬天食紅豆沙最暖胃，本來以為煮紅豆沙材料簡單又易煲，浸紅豆一晚便容易煮成紅荳沙。不過原來當中想把紅豆沙煮得好味，都有些小竅門可以注意。帝京酒店中餐行政助理總廚尤忠東，就教大家如何煲一碗美味紅豆沙。去片看：

             
先由揀紅豆開始，尤師傅話只需選擇天津紅豆便成，體積有分大、中和小粒，揀中粒已經可以的，他說：

最好選些表面粗糙些的紅豆，因為現在有許多紅豆像白米一樣都經過打磨，令到表面變得光滑，看來亮澤些，感覺優質些吧。

▲ 這些表粗糙的中粒體積紅豆，已可煲出濃郁紅豆沙。(湯炳強攝)

尤師傅續謂如果想紅豆煲到起沙，其實是要揀回沒有打磨過的粗糙表面紅豆便成。另外尤師傅提議可用片糖和冰糖各半兩溝來調味。因為片糖味道濃郁，冰糖則清甜，二者各半的話，可使紅豆沙吃來更清潤。

▲ 片糖和冰糖各半可令甜品味道清香些。(趙景隆攝)

尤師傅又說到如不愛陳皮味道的話便不用加，反之可以加些百合或蓮子，增加口感。

最後，他提到若然愛吃半沙半粒狀的口感，可以在紅豆煲到1小時後，撈起一半分量，待原煲煮到起沙時，再放入另一半再煮15分鐘，就可吃到這種有咬口的口感了。

▲ 想有半沙半粒口感，可煲到一半撈起部分紅豆，之後再煲。(趙景隆攝)

做法：
1.紅豆浸過夜備用
2.煲大水滾後倒入紅豆

▲ 水滾起後，便放入浸透的紅豆。(趙景隆攝)

3.放入浸軟兼刮囊的陳皮
4.合上蓋轉中小火煲約2小時
5.下片糖(或冰糖隨意)攪一攪
6.再冚蓋煲約15分鐘 
7.留意有否黐底，見到起沙便大功告成。