Yahoo 年度大事回顧

贏喇贏喇！黃之鋒贏咗喇！講緊唔係《TIME》風雲人物，而係雅虎香港 2014 年十大新聞焦點人物搜尋排行榜，學民思潮召集人黃之鋒成為第一位。在排行榜中頭三位都是「雙學」主要成員，第二及第三位分別為學聯秘書長周永康及學聯副秘書長岑敖暉。

緊隨其後的，有行政長官梁振英……個女梁齊昕，以及正義聯盟召集人、網民最愛改圖對象之一的李偲嫣。

齊昕嘅父親呢？排第七！十大排名裡面，唯一跟最近兩個月雨傘運動看似無關的，似乎只有第八位的柯震東，至於佢點解上榜，就應該要問問房祖名。

「4 點鐘許 Sir」許鎮德緊守第十位，未知各位網民可會認為他為警隊「爭光」乎？

▲ 十大新聞焦點人物搜尋排行榜第十位：許鎮德。(梁偉榮攝)   ▲ 學聯秘書長周永康（右）及學聯副秘書長岑敖暉（左）分別登上「十大新聞焦點人物搜尋排行榜」第二及第三位。(潘政祁攝)

iPhone 6 都上榜

除了人物，本地新聞大事回顧都有個十大排行榜，十大新聞之首，一如預期係「雨傘運動」，其次係「iPhone 6 上市」；而王維基的香港電視開台，則位列第九。《明報》前總編輯劉進圖遇襲案，則成為第十位新聞，可見港人對新聞自由十分着緊。

▲ iPhone 6 上市成為大新聞！(張永康攝)

從十大潮語搜尋排行榜中，反映雨傘運動衍生頗多潮語，排名首位有「榴槤乜乜乜」，你仲記唔記得把刀仔？

「心入面條蟲」就令大家知道，做新聞可能要多用「疑似」、「懷疑」、「可能」等字眼！

排名第六的「HEHE」，又會否令你想起兩位學聯男神？在排行榜緊隨其後的「鳩嗚」行動，今日仍在進行中，你放咗工又會唔會去旺角走一轉？

「I will now recap in English」就可以話係許 Sir 專用！之但係排名第九的「光明磊落」，又算唔算係「潮語」先？如此嚴肅的詞語，豈能兒戲？

▲ (相片來源：雅虎香港) ▲ (相片來源：雅虎香港) ▲ (相片來源：雅虎香港) ▲ (相片來源：雅虎香港)

本地新聞以外，雅虎香港都有國際新聞十大回顧，首位是「馬航客機失蹤及連串空難」，次位是「伊波拉病毒爆發」；排名第六的「冰桶挑戰熱潮」，提提你究竟捐咗錢未！再跳出香港，美國雅虎都有個「全球十大熱門搜尋新聞」，最多人關注的是「伊波拉病毒爆發」；而「荷里活影星淫照風波」，則排名第四。

原文刊於 ezone.hk