維基百科出實體書 全套賣390萬

大家要搵資料除咗求助 Google 大神之外，好多人都會上維基百科。網頁版嘅維基百科就好方便，唔知變成實體書又會點呢？在如今書本紛紛邁向電子書的年代，維基百科就反其道而行，將會由網頁變成實體書。

將維基變實體書的計劃源於紐約一個叫 From Aaaaa! to ZZZap! 的展覽。展覽將會係 6 月 18 號到 7 月 2 號，在 Denny Gallery舉行。

藝術家兼程式設計師 Michael Mandiberg 將成個維基百科的英文資料庫，編制成可印製嘅書，並為佢地加上封面。仲會將呢 7 千幾冊「維基百科全書」，upload 到隨選列印網站 Lulu.com 上。

展覽上，參觀者可以見證將「維基百科全書」 upload 到 Lulu.com 過程。展覽中會用投影機將 Lulu.com 網頁投影出來，亦有電腦展示過程嘅電腦命令編碼。亦揀咗幾冊維基百科實體書，俾參觀者現場閱讀。

成個 Upload 過程最快需要 11 日，最長有可能要成兩個星期先會完成。展覽舉行嘅同時，每 upload 完一冊，都會在 Print Wikipedia 的Twitter post 出該冊的電腦編碼。

當 upload 完成後，全套總共 7,471 冊的維基百科實體書就會正式發售，每冊大約有 700 頁，每冊售 80 美元（約 620港元），全套有 5,244,111 頁，售價係 50 萬美金，唔知大家又有冇興趣買返冊維基百科呢？

節錄刊於：ezone.hk