港女自製男性職業評分　洪永城高分過護士

近日，網上熱傳一份由港女製作的「男性職業評分」表，由 0 至 10 分為多個職業評分。正所謂職業無分貴賤，但卻被製作者強加評分，引來大批網民鬧爆。

唔知係巧合定點，日前演員洪永城在其「洪永城Tony的地球」Facebook 專頁中，以一句「護士，喺社會上嘅地位不高」撻着全城醫護人員。

▲ 洪永城今次真係衰多口喇！（相片來源：ezone）

好，就等 ezone.hk 記者望望呢份「男性職業評分」，睇你洪永城值幾多分先！一睇，嘩，原來演員竟然值 8 分，相反洪永城口中「地位不高」的護士們，只值 5 分（屬政府工類別），好唔抵呀！

今次洪永城為宣傳新劇《實習天使》講錯說話，反響都幾大，多個醫護人員相關的 Facebook 專頁都有分享洪永城的帖子並加以批評，例如「香港醫療人員分享平台」就寫上「就係因為有呢種人才會有很多人在護士面前勁不禮貌，在醫生面前成隻死狗咁」。

今次洪永城一句「社會地位不高」，似乎又搞出公關災難來【想睇更多公關災難即按此】。

▲ 香港醫療人員分享平台批評洪永城。（相片來源：ezone）

不過話分兩頭，有網民都替洪講好說話，認為佢衰就衰在第一句「護士，喺社會上嘅地位不高」，之後所講嘅都值得一讚，例如：

其實喺救助病人嘅工作入面不比下醫生、由照顧傷者身體日常生活嘅需要、到心靈上嘅安慰同關注，肯定咗護士嘅重要性。

又講返轉頭，那份「男性職業評分」表，在多個職業中，以「企業管理」最高分，獲 10 分，之後有律師、機師都分別獲 9 分及 8 分，至於同小記工作差唔多嘅文字工作者，就只係得 2 分。最低分（應該話無分）就有清潔、跟車、冷氣水電地盤等。

唔知大家對呢個評分，有咩意見呢？

全文刊於 ezone.hk

更多科技潮流資訊，盡在 ezone.hk