15個同「食」字有關的廣東話

廣東人識飲識食，連廣東話不少俗話都和「食」字有關，以下15個經典廣東話說法，相信你一定用過！

1. 食死貓

意思：與「揹鑊」同義，內地會叫作「孭黑鑊」，指受冤枉或被人陷害。

例句：一日最衰都係佢，搞到要我食死貓啊！

2. 食鹽多過你食米

意思：指這個人閲歷豐富，比對方見識更廣。

例句：細路，我食鹽多過你食米啦，咪無料扮四條呀你！

3. 你咬我食呀

意思：即「你奈我不何」的意思。

例句：我就系唔聽你講呀啊，你咬我食呀！

4.  呃鬼食豆腐

意思：指對方說的話不會有人相信。

例句：你咪呃鬼食豆腐啦，你估個個都好似你咁蠢咩！

5. 食懵你

意思：吃得太多，吃到變得糊塗。

例句：衰仔，食懵你呀！你係咪坐住咗個腦呀！

6. 食腦

意思：指動腦筯、用智慧來做事。

例句：做生意最緊要梗係食腦！

7. 食谷種

意思：餓得連谷種都要拿出來吃，即指山窮水盡的情況。

例句：而家未到月尾我已經洗晒份糧，今鋪真係食谷種啦。

8. 食龍肉都無味

意思：因某件事嚴重影響心情。

例句：原來佢失戀，唔怪得食龍肉都無味啦。

9. 我食硬你

意思：和「嬴硬你」同意，語氣非常肯定。

例句：睇住嚟！今鋪我仲唔食硬你？

10. 食得鹹魚抵得渴

意思：指做某件事前，必須先好好考慮後果，才落實去進行。

例句：鬼叫你紅咗咩，做得名人就要食得鹹魚抵得渴，成名後被網民起底是常識吧。

11. 食生菜

意思：比喻很輕鬆容易就可解決的事，和「易過借火」同義。

例句：放心喎，呢單野擺明易過食生菜啦，你同我定！

12. 戇居居食煎堆

意思：形容對方太蠢，勝在夠押韻。

例句：傻仔，你都戇居居食煎堆嘅！

13. 食碗麵反碗底

意思：用來鬧人忘恩負義，「手指拗出唔拗入」，不幫自己人，反偏幫外人

例句：你個二五仔，食碗麵反碗底，俾天收呀你！

14. 食人隻車

意思：用來指對方要求過分，貪得無厭。

例句：個條死港女，第一次同佢去街就要我買一大抽pandora俾佢，想食咗我隻車咩！

15. 食自己

意思：即自食其力。

例句：男人邊靠得住，姊妹們我哋都係食自己罷啦！