HR小薯蓉:收到加薪信後的4種反應
職場
發布時間: 2016/01/22 12:47
話說最近忙緊準備加人工信.....即係如果...我係話如果....你老細俾封信你係加你20蚊人工,係一個老麥特價餐都食唔到嘅港幣20蚊,你會有咩反應呢?
1. 忠心耿耿
我好明白公司而家好艱難,$20對我嚟講已經係好大嘅鼓勵!我一定會繼續努力,同公司一齊度過嚴冬㗎!
附加兩行馬尿丫唔該😭
2. 半澤直樹上身
拍枱問候老細,叫晒佢姨媽姑姐祖宗仙人出嚟傾計,
你媽媽個媽媽好嗎?今日嘅恥辱我一定會記到2046,你放長三隻眼睇住,呢個仇我一定會百倍奉還!🔥🔥
3. 扮睇錯加一千蚊
多謝老細!多謝老細!老細你對我實在太好喇!加咁多俾我一定會努力工作㗎!
然後乖乖地返出去繼續做奴隸獸。
4. 有備而來
老細,我已經帶左嚟
唔...?
呢封係我嘅辭職信
你真係諗清楚?
我考慮左好耐,我會係走之前清晒啲野
(扮失望)😔既然你決定左我都無謂挽留喇,反出去做野啦!
hehe...bye~
.......
......
....
...
其實唔好諗多左,老細最期待嘅畫面一定係第4個...祝各位好運...阿門
原文刊於HR小薯蓉facebook,標題為編輯所擬。
撰文 : HR小薯蓉