大雄屋企示範單位 300 幾萬包樓包地

大家細細個睇叮噹，大個睇多拉A夢，有冇諗過大雄屋企用三維角度睇係咩樣？除左書檯之外仲有冇神奇「異度空間」呢？依家有人用電腦動畫解釋俾你知！e-zone.hk 仲幫你計埋供樓條數！

一個名為「267C Production」的製作單位，最近在 Facebook 建立專頁，又在 Youtube 發佈咗兩段電腦動畫，分別是「野比家 遊覽」，以及「野比家 - 寢室 360° VR」，前者會以立體方式重現大雄屋企室內的細節，後者就有互動成份，可以在大雄的睡房用任意角度瀏覽。

其實佢間房都唔係好大者，睇落似三至五疊榻榻米左右不連入牆櫃，計落最多約 90 尺，同香港差不多，不過佢住二樓。

大雄那種日式房屋叫「一軒家」，一般是買地之後自己搵建築公司起，亦有一部份是整塊地連屋可以買入。到底要幾錢呢？據日本「住宅生産団體連合會」的 2014 年度調查，住宅的平均佔地約 192 平方米（約 2,070 英呎），平均取得費用（包括地價及建設費）為 4554 萬日圓（約港幣 300 萬餘），平均建築費 3310 萬日圓（約港幣 218 萬餘）。

如果是買新地建新屋的話，則平均是 5067 萬日圓（約港幣 334 萬餘）。唉，香港真係唔係人住架！ 

全文刊於 ezone.hk 

更多科技潮流資訊，盡在 ezone.hk