鄭丹瑞：最近見過喬布斯？

你哋有無人見過某某某，我見過某某某，我見過，我真係見過！

我無意玩針對，所以，某某某可以是任何一位名人，我只不過是對這位高官在講出這番高見時，情不自禁流露出來的興奮感，覺得有點怪怪的。見過喬布斯又如何？需要這麼興奮嗎？需要這麼自豪嗎？

這位高官的高見，令我想起，其實我也「見過，真係見過」不少這種「崇拜名人」的人。上他們的公司，總會見到在大堂呀、會客室呀，或辦公室的牆上面，掛滿了主人家跟不同名人合照的相片。

主人家還怕你不知道誰是周潤發？誰是李嘉誠？熱情地介紹每張合照的日期和拍攝原因：

我借公司出來拍戲，男主角係周潤發，我至肯借咋！佢嚟到我同佢講：隨便揀番兩、三個單位，我平畀佢無問題！

你哋有無人識李嘉誠？我識佢，我真係識佢！

這番話是否有點似曾相識的感覺？

佢爭啲入股我公司，我唔想俾佢話事之嘛！

似乎，每一張張跟名人合拍的照片，都有一個扣人心弦、驚天動地的故事在背後。

不識時務的我，一眼就看穿，掛在牆上的照片，不是在甚麼公益金百萬行路上遇上，就是在某些宴會上，排隊跟名人合照的其中一個，那來那麼多扣人心弦、驚天動地的故事？

我仲以為佢最近見過喬布斯添，嚇得我吖！

好事之徒真抵死。

文章刊於《經濟日報》（收費閱讀）

標題經TOPick 編輯修改，原題為〈見過又如何〉