辦工室派利市價目表

年初四乃開工之日，一眾打工仔難免「年初四咁嘅樣」。不過換個角度看，有得收利市總算可彌補一些心靈損失。

然而，公司同事親疏有別，金額自有不同，到底該如何調整？

網上流傳一則師奶派利市價目表，TOPick 製作成辦公室利市價目表，大家不妨看一看參考一下。

1. 完全叫唔出名　$10 

對於職場上大量「朝見口晚見面」、認得個樣又叫不出名的不知名人物，10蚊就夠晒數。

2. 知邊個但少接觸 $20 

雖然客觀環境甚少接觸，但總算知對方個名、甚至講過幾句的，就「升呢」封夠20蚊吧！

3. 同Team、下屬 $50至$100 

同team始終日日對住，明顯較close，只封20蚊隨時被對方暗地批評，所以金額要加碼。相對關係較疏離的就封50蚊，如果係under自己的下屬，見大家成日互相幫忙，大家好來好去就封100元吧。

4. 死敵  1蚊都唔畀？

至於對面team個死對頭，過年開工第一日就要對住你已經好慘，仲想收利市？開玩笑！

5. 未婚上司 ？

上司未結婚，這一刻是否派利市已經成為哲學問題，金額高低更加深奧。

曾有網民分享，女上司主動討利市！但如果好心派利市給對方，又有可能引發反效果，對方get錯訊息：

你寸我嫁唔出呀？

當然，上述派利市價目表只供各位參考，一切都視乎閣下「荷包」及交情而定。

對於上司是否要派利市，大家又點睇呢？