散水餅10大排行榜

每年派花紅過後，日日都好似有人Last day，對於辦公室的打工仔而言，劈炮前都有些不明文規定，派散水餅為其中之一。不少人因此而「R爆頭」，究竟邊款最多人買，邊款最受歡迎？

第10位︰騎呢野

珍寶珠、棉花糖、糖水、甚至是生果。有些東西「講心不講金」你懂的，要突圍而出令同事留下深刻印象，只好出此下策。

第9位︰蛋撻

又想買但又不想破費，蛋撻最經濟實惠。但要注意時間控制以及衛生問題，因為冷掉的蛋撻口感不一；而且食用時會產生不少碎屑。

第8位︰朱古力

穩陣選擇少不了朱古力，有甜到入心的效用又不失高貴。選購時，要注意種類的選擇以及口味，建議買中價位有多種口味的朱古力。

第7位︰馬卡龍

雖然已難以考究馬卡龍何時在香港興起，但其彩色的外形及不同口味之特別均成為近年散水餅熱門之選，而且一粒的價錢只是大約$10，屬中等價位。

第6位︰曲奇

原本市面上「Mrs.XXXXX」曲奇比較多人選擇，但近來不少人不惜落重本訂製糖霜曲奇，再加上感謝字句，食得睇得又有意思。

第5位︰整個蛋糕上

如果公司人少少，不妨考慮下買全個穩打穩紮口味的蛋糕（如芝士、朱古力），即可表達心意，又可以有分甘同味之意。

第4位︰Cupcake

除有不同顏色，還有卡通造型，單是賣相已足以令同事「嘩嘩」聲。雖則如此，但Cupcake亦經常被評為「好睇唔好食」，而且每個要價錢同樣是雙位數。

第3位︰西餅

被視為「有啲行」但又可以填肚的選擇。若同事散水幾乎每次都是西餅收場，想要出奇制勝，那就精挑細選3大西餅龍頭以外的餅店。

第2位︰自製甜點

可以是蛋糕、曲奇、布甸等好西，只要是自己動手做，比外賣來得有心思，唯要注意運送及保存方法。

第1位︰「我係唔請，咁又點？」

不用說散水餅的質素，時下就連劈炮都有機會是「即日生效」，所以能否吃上了一件餅，就要隨緣了。

全文刊於 CTgoodjobs

更多職場、筍工行情，即上CTgoodjobs