新東聯網有邊間醫院？周浩鼎：同大家一齊Google下

立法會新界東補選候選人之一、民建聯周浩鼎本身係東涌南區議員今早出席港台選舉論壇時，被問到新界東聯網「有邊幾間醫院」時，回咗一句「可以同大家一齊google下」。

候選人方國珊發言時，批評周浩鼎不熟悉新東地區情況，反問對方「你有冇去錯地方？作為東涌區議員嚟新界東？」，又指「如果你要處理，應該返去北大嶼山跟進前線醫療人員人手同增加配套問題。」

周浩鼎在助選團詢問環節期間，被問到「新界東聯網有幾多間醫院？」周未有直接回應，只說「我可以同大家一齊查問下呢個問題，一齊google下都得，如果我唔知，我願意同我團隊成員一齊去做，但地區事務我強調係一個團隊一齊去做。」

除周浩鼎及方國珊，新界東立法會補選候選人仲包括劉志成、黃成智、梁思豪、梁天琦、楊岳橋。全部人今早均有出席論壇。