做咗阿媽就唔可以買樓?

休閒消費 12:22 2016/03/16

分享:

分享:

相片來源:iStock

「我諗住唔要佢啦。」由一個大肚婆口中聽見呢句說話真係寧舍得人驚。Nana知我get錯立即澄清:「唔係講個BB,係講層樓呀!」正確嚟講,應該係買樓嘅諗頭。「點解呀?你話過30歲前一定要上車㗎?」「邊個叫佢嚟得咁突然喎。」佢摸一摸個肚。

由細到大,Nana都係一個好有Planning女仔,佢想做嘅事總會一一達到。原以為意外懷孕會令佢大失預算、甚至發癲,無諗過佢都有母性大發嘅一面。

自從有咗BB,Nana生命中嘅優先次序重新洗牌。以前佢嘅世界只有工作,就算朋友約食飯、屋企做節都會放埋一邊。佢一直都無結婚打算,想趁後生搏殺;直到喺產檢望到肚裏嘅奇妙生命,佢先反思事業唔係佢嘅全部,更願為下一代由女強人變成好媽咪。

雖然我覺得佢咁叻女,絕對可勝任在職媽媽嘅身份,毋須擱置買樓;但佢話做人不能太貪心,自以為可家庭事業兩兼得,特別睇完台灣藝人Selina離婚新聞後。

婚姻同親子關係都需要經營。我知BB出咗世,應該無辦法好似以前咁投入返工、搵番同一份糧;要老公一個供樓又太大負擔。做父母都想BB好,依家最緊要為佢計劃將來,買樓嘅事遲啲再諗。

睇見佢有囝萬事足,我仲有咩好講?

文章刊於《晴報》,標題經TOPick編輯修改,原題為「準媽咪不買樓」

《晴報》facebook

撰文 : Denise 晴報