最新消息
  • 20°C
香港時間:2017年12月15日 星期五 17:57

孫立民:職場無真愛但要交戲

14:59 2016/04/20

相片來源:iStock

相片來源:iStock

大X樂一杯咖啡 $11.5 (下午茶時段$7即磨),star嘜約30至40多元,這數十元的差價不是反映成本的差異,主要來自感覺。star嘜令你感到悠閒、中產、貴氣,隣座是看Kindle ebook The Girl in the Ice(不是太陽的後裔),更會少一點AYA在sell保險。感覺,從來都值錢。

職場是人與人交往的平台,給予對方的感覺不但重要,甚至決定勝負,like like定嬲嬲,主要是感覺,「叫我梁XX」應該深明此理。

曾經因提供顧問服務,於某機構工作一段時間,發現他們的同事好像各自在劏房裡工作,互不對話八掛吹水,全依賴電郵溝通,冷漠過殮房。靜到有兩隻烏蠅飛過,我聽見它們商量去那裡吃lunch。

職場要相處愉快融洽,呃到大比數like,甚至上位打造紅地毯,要掌握和滿足對方的心理需要,活出對方的期望,用本土語言說,要交戲。

對客交戲

顧客在交易過程中,愈賺得多愈開心,除了貨品的折扣和各種似是而非的優惠外,他們最想得到銷售員的額外服務 – 窩心和貼心,覺得賺多咗,特別是港客和大陸客。(睇我幾政治正確!)

窩心關鍵片語:

  • 「呢隻紫色好蝦人著,但係你著到囉!」
     
  • 「你攞住咁大個喼,不如放係呢度我幫你睇住,你可以行得舒服啲」
     
  • 「先生你好識點餸呀,呢幾樣都係我哋餐廳排頭三位嘅菜色」
     
  • 「你個小朋友(或狗狗)好cutie,真係冧死人!」(輕掃阿B(或狗狗)個頭扮好想氹佢玩)

遇上客人額外要求,r多5% discount、送舊spare電、改bundle組合,不要earphone要個保護貼;你是前線,點都做唔到嘅話,犯不著為個客破壞規矩或俾老闆郁。

第一回合堅say no,不過要俾感情,除了講公司規定、上司指明、成個場都做唔到等原因任選之外,重要是交一個「真係sorry好抱歉….」(咪加個囉字)、「我其實冇所謂,不過….」、「鄧你唔扺」、「有啲可惜」、「如果做到一定做俾你」的戲;知,分明係廢話,無所謂,你講得少咩?

我有個friend行去取車時,不遠處見有警察取筆抄牌,急步跑去,希望能趕得切制止一宗人間悲劇。世事當然同你作對,去到警察剛剛落筆,我個friend叫了一聲OMG,覺得好唔抵,正想上訴爭扎一下。那名警察一臉歉意說:「哎呀(長尾音),啱啱落咗筆添,真係唔好意思先生!」其實都知一切要依劇本做事,但交了「鄧你唔扺」戲,我個friend當堂順晒。

對老闆交戲

上司交托工作,最希望伙記掌握重點和上心。要令他老人家安心,聆聽過程要交專心戲,定神凝望、點頭是level 1。最好benchmark內地官場文化 – 做筆記,不論董政協、梁特首、曾司長,當聽習主席、李總理訓話時,總是在做筆記,其實大把隨從會記低每個細節甚至呼吸位,但戲總是要交。

除了筆錄,Level 2是撮要重點,特別是老闆叮囑過兩次或以上的、緊張的、擔心的、有點忐忑的….等情緒位,一定要截圖post係自己臉上,令老闆安心,知你收到和上心。

上心關鍵片語

必須按時機連同適當的emoji出場:

  • 「我即刻去做,嚟緊幾個鐘頭我會唔聽電話住」
     
  • 「呢單job對公司真係好重要,我會俾心機跟」
     
  • 「我會做埋至走,唔知放工後WhatsApp你方唔方便」
     
  • 「講真,做多少少嘢我真係冇所謂,我真係唔覺得係蝕底囉」(講咗三個真字,又真係多咗啲)

雖然與工作沒有什麼關係,但為了統一角色性格,你還要喜歡長跑、參加世界自然基金會(但不是綠色和平)、做義工;交孝順、唔爛賭、愛情專一戲。放心,知你超勉強,放咗工就可以跳離角色,你懂的!

對同事/下屬交戲

要受到同事或下屬愛戴,要交欣賞和關心戲。肯定對方收到,一定要發聲,浮誇一點也無妨。見到同事咳咗兩下,埋位講聲:同事,你咳呀!知,係超廢,但有人氣!想想,如果你堅唔舒服,但無人問候一句,是不是比前列腺癌更難受!

同事拿著新包包返工、剛剛去完秘魯馬丘比丘同玻利維亞天空之鏡、穿了件明晒身段的戰衣好高貴咁踏入office,一定十級渴望被全人類圍隴,收到萬零二萬個like和勁正。同樣,下屬俾心機做好一單job,也想受到認同和三聲嘩!

欣賞關鍵片語:

excellent、impressed, you’re genius、真係地上最強囉…..等關鍵詞,不妨大手去貨。下屬email你交功課,不要return mail只寫noted那麼冷血無情,起錶入門版最低消費都要講聲thank you。如果是deadline 之前交,prompt response, appreciated, helpful….等唔少得。

欣賞中的極品,是表達信任和期望:

  • 「老闆好睇重呢個project,指明要你跟!」
     
  • 「你最有經驗,呢次個production你係key man,成班伙記都睇你!」
     
  • 「呢疊文件好重要,我唔放心俾阿Tom,所以搵你幫手,影印!」

交戲,不是作假,欺騙感情,星爺在喜劇之王中說:「痛嚟講呢,根據俄國戲劇理論大師史坦尼斯拉夫斯基嘅說法,應該係由外到內,再由內去番外。」

即是對周遭環境人際有所感受,發自內心,但要通過某重形式表達出來,目的是幫助對方接收和準確解讀,令成件事有成效、有回報,否則拖是白拍,鞋是白擦!

各位若遇到職場管理、辦公室政治、人際衝突、或前途抉擇等難題,歡迎留言提出。筆者會詳盡分析和解答,亦可瀏覽盈力僱員服務顧問網頁

想生活更精明,請讚好TOPick Facebook

撰文 : 孫立民 盈力僱員服務顧問首席顧問

焦點

女人筆金心 - 及早預防子宮頸癌

2017/12/15 04:00

及早預防子宮頸癌

余光中病逝 《鄉愁》情牽中港台

2017/12/15 01:00

余光中病逝 《鄉愁》情牽中港台

李國慶即市透視 - 中港拆息升 礙港股反彈

2017/12/15 11:35

中港拆息升 礙港股反彈

A股脈搏 - 滬指收跌0.8%至4個月低 鋼鐵水泥領跌

2017/12/15 15:37

滬指收跌0.8%至4個月低 鋼鐵水泥領跌

洪秀柱籲台年輕人 到大陸「一展舞台」

2017/12/15 01:00

洪秀柱籲台年輕人 到大陸「一展舞台」

即市攻防 - 【即市攻防】反彈完成?(第二版)

2017/12/15 13:45

【即市攻防】反彈完成?(第二版)

神州特寫 - 內地工薪家庭年均收入15.4萬 你達標嗎?

2017/12/15 15:32

內地工薪家庭年均收入15.4萬 你達標嗎?

MT板塊組合 - 【MT板塊組合】等待「另一重磅會議」?加息下突圍板塊(第三版)

2017/12/15 16:57

【MT板塊組合】等待「另一重磅會議」?加息下突圍板塊(第三版)