鄭丹瑞：告病假都需要掙扎

有報道指，香港八、九十後年輕打工仔最捱得，經常帶病上班，主要是不想影響工作，怕請假被上司詐型，增加其他同事負擔，以及影響獎金花紅。

換個角度來說，是責任感。

一個有趣現象是，健康的同事會勸說帶病上班者回家休息，帶病的同事會回答：

我無事，頂得住。

輪到健康的同事打敗仗，他並沒有打算如自己勸別人般「告病假」，一樣帶病上班。

當老闆見到員工病到七彩，依然上班，會語帶怪責說：

我求你千祈咪傳染俾其他同事呀！

但當知道員工告病假沒有上班，老闆卻會立即面色一沉：

又病？

我公司連醫生紙都唔信㗎，驚死員工同醫生夾埋呃公司咁，要去到入醫院留醫就信你喇！

打工仔甲說：

所以我哋免得過都死頂上班，費事俾人誤會。

奇怪地，有人病到七彩，堅持上班，完成一日工作，卻龍精虎猛，連約好見醫生也不需要了。有人立壞心腸，相信民間傳說而帶病上班：

你去將個病傳染俾另一個人，你就會好番。

也有人放假先至嚟病，白白浪費了「偷得浮生半日閒」。

我得過一個怪病，一激氣、緊張就心絞痛，然後暈低！試過帶病入攝影棚拍電視劇，病情轉壞，但又怕拖累拍攝進度，堅持繼續，結果暈倒。醒來時，工作人員告訴我：

你拍完至暈，並無拖累進度。

而我，竟然全無記憶。

原文刊於經濟日報（收費閱讀）。標題經TOPick 編輯修改，原題為〈帶病上班〉。