林榮基：對住梁振英，我地無話可說

失蹤近8個月、兩日前突然從內地返港的銅鑼灣書店店長林榮基，下午突然發出採訪通知，傍晚將聯同民主黨立法會議員何俊仁在立法會召開記者會。除解釋「被失蹤」事件來龍去脈，更批評特首梁振英「做唔到嘢」。

被問到特區政府有否曾協助他，他直言：「我唔知港府救過咩人」，又指中央政府本來要他今日回去，「我當然唔敢上去啦，仲上去？」。至於會否擔心自己與李波一樣在港被拘，林指「咁我真係無辦法喇，睇下香港政府有無保障囉」。被問及香港政府及警方是否有妥善保護港人安全，林指，「對住佢（梁振英）我地無話可說，做唔到嘢有咩好講」。