澳門賞煙花 邊間酒店房享無敵景?

休閒消費 16:57 2016/08/30

分享:

去澳門睇國際煙花比賽滙演,光在街舉頭已經可以看到,但想舒服些,當然要花點錢。滙演期間,煙花將在旅遊塔對出的南灣海面發放;想可以房嘆住冷氣,在兩岸享有睇煙花無敵景觀,其實就只有5間酒店,在澳門市區大概有新葡京、文華東方、雅詩閣,而氹仔一邊有麗景灣及新濠鋒兩家。

澳門文華東方最近發放煙花的海岸,享有零遮擋景色。(澳門文華東方酒店圖片)

周末的澳門酒店例牌不便宜,國際煙花比賽匯演期間,住得稍為好一點,價錢已過千或以上。5家價錢落差相當大,由最平嘅麗景灣酒店,齋房HK$589有交易;到最貴嘅文華東方,住宿連翌日早餐就要成HK$2,988,價錢也真的頗貴。

價錢(截至8月30日,入住日期以9月3日為準)可參考以下表格:

澳門新葡京酒店 高級客房HK$1,958 進階:高級湖景客房HK$2,597
澳門文華東方酒店 豪華湖景客房HK$2,988 進階:豪華海景套房HK$4,288
澳門雅詩閣 尊貴套房HK$1,449  
澳門麗景灣洒店 高級客房HK$589 進階:海景客房HK$2,480
澳門新濠鋒酒店 澳門海景客房HK$2,439 進階:豪華美景套房HK$5,388

 

要住新葡京,住在較高的位置,該可賞得煙花。(香港經濟日報圖片)

務求要睇到煙花,訂房時就要注意你所訂房是面向海,可直接電郵或致電向酒店要求。環顧5間酒店,包保能夠零遮擋睇煙花,筆者心水是文華東方、雅詩閣及新濠鋒,當然最決定由讀者衡量。

新濠鋒過半房間都享有海景,貴係貴,但物有所值。(來自新濠鋒酒店網頁)

【其他熱話】8千円住雙人房 遊日必住東橫Inn的5大理由

【其他熱話】過澳門賞煙花 氹仔市區5大靚位推介

【其他熱話】澳門豪華新酒店3大平玩攻略

【其他熱話】澳門路氹6大酒店 邊間最適合一家大小玩?

撰文 : 洪白嵐 TOPick記者