黃心穎最愛通淋巴 keep fit:瘦未必是最好睇

休閒 16:35 2016/08/31

分享:

心穎曾當過洗頭水、沐浴露、麥米片、卸妝水,護膚產品的代言人。「我好恨拍纖體廣告,咁就可以有藉口迫自己keep fit!」(黃建輝攝)

逢星期一至日晚晚都會見到黃心穎(Jacqueline)在熒光幕出現,曝光率爆燈,除綜藝節目《學是學非》及《我愛香港》外,剛開播的 TVB 新劇《為食神探》,她以一頭爽朗短髮的新形象,演繹性格複雜暗黑的甜品廚師周晴。

我沒想過這角色咁dark,是個突破,已預了觀眾會不喜歡我,但這即代表我演得成功。

《為食神探》中,楊得基(馬國明飾)愛到周晴的咖啡店聚腳吹水,曖昧漸生。

《為食神探》貫穿一件件與「吃」有關的古怪奇案,讓人五味紛陳,心穎 BB 坦言自己也不是獨沽一味賣sweet!

我不是100%那麼乖那麼健康,也27歲了,很多東西想試,不再純情小羔羊。

嘉嘉(岑麗香飾)加入偵探社後,腦海經常呈現令人心寒的畫面,可會與愛吃甜品而投緣的閨蜜周晴有關?

瘦未必美

心穎有個當中醫爸爸,所以很明白 keep fit之道。

一家的健康由他守護,他會執藥煲湯畀我哋飲,如冬天最啱飲天冬麥冬生地湯,對皮膚最好,夏天就要多飲可解暑的冬瓜湯。運動我卻較少做,反而經常拉筋,一路睇電視一路拉,可帶動血氣、通淋巴。

我最鍾意通淋巴,沖涼時用番梘代替 massage oil,在大髀內側好大力咁推,係好痛,但慣了,平日拍劇企得多,可防水腫。

但心穎絕對不認同瘦即是美。

我一直都是易肥難瘦,覺得圈中已有好多好瘦的人,我冇必要做、也一定做不到最瘦的那一個,因為瘦未必是最好睇,我寧願保持一個最適中的體重,最緊要讓自己開心。

「人生苦短,唔一定係苦,但唔知有幾長,我想趁有氣有力的時候去見識這個世界。」(黃建輝攝影)

最愛獨遊見識世界

每當有假期就會去旅行充電的心穎笑說:

以前好怕請假,因為驚放假期間有 job 而接唔到,就像平白錯失了一個機會。但現在睇化了,唔再 care,有假放就放!人生苦短,唔一定係苦,但唔知有幾長,我想趁有氣有力的時候去見識這個世界。

活在當下的領悟,來自心穎有 3 個姐姐當人辦。

我見到她們的經歷,就知道 can't waste time。這一行好被動,所以我選擇工作以外,用自己時間繼續 move forward,如學唱歌、睇戲、讀書。我也鍾意 shopping 買嘢,儲錢之餘也要應使則使,有時要放縱一下,這才healthy、才是享受人生,否則老來未必有氣力enjoy,也不想自己後悔。

【其他熱話】8千円住雙人房 遊日必住東橫Inn的5大理由

【其他熱話】遊日必住Super Hotel 的10個理由 住5晚享3000円回贈

【其他熱話】泰國達人教你7仔平掃化粧品

【其他熱話】台灣便利店 平掃8款小食面膜

【其他熱話】遊日必買5大懶人美容法寶

撰文 : 鄺素媚 TOPick 記者