職場的殘酷真相 老細「唔睇學歷」 係呃人!

職場 16:18 2016/09/02

分享:

最近公司又嚟左幾個新同事,一班「老屎忽」除左問姓甚名誰外,其中一條必答題一定係:「你讀邊間大學架?」此話一出,足以讓打工仔「瞬間看地球」,歷盡人生百態、不同嘴臉,同時已經決定職場上的起跑綫。

當然,識答(同時有得咁答),一定係答:「我係英國(或者美國)讀大學!」不管你讀係麥明詩的劍橋,還是無人知曉的「山旮旯」大學,因為答案一出已氣壓全場,一眾「老屎忽」隨即雙眼發光、笑到塊面都要裂開,然後再報以:「外國返黎,你英文一定好好」,又或者「一定好勁喇」等指定答案。

另一場境,可能係:「我係HKU/中大/科大。」對於同事而言,你的頭上已經戴了個光環,「欣賞」的兩隻字亦刻在額頭上面。

【延伸閱讀】一幅圖睇晒大學「神科」人工有幾高?

若非八大畢業生,對唔住,現實是殘酷的,可能你得到的答覆係「嗯」,又或者對方一邊嘴角會微微向上一翹,嗯,你懂的。

不過,以上都只係一個開始,同樣作為非八大的小薯,深切體會到「你的學歷如何,你的日子也必如何。」

即使與英國歸來的Christina、HKU的Michael,大家日日一齊做到奴隸獸,甚至已經比其他人主動OT、爭取不同工作,即使「腦細」問相同的問題,大家的答案都不相上下,但作為小薯好似永遠都有進步空間。

曾經聽聞「態度決定高度」,不過職場是現實的,學歷已經決定你的起跑綫,「腦細」曾經講過,「學歷都唔係最重要,最重要係你的態度同工作能力!」當然有異數例子,但我相信,這一句係繼「我會加你人工」、「下一個就升你職」之後,最大的大話!

【其他熱話】中大VS 科大學生宿舍 邊間海景最無敵?

【其他熱話】拆解「星二代」幼稚園 邊間課程行IB學制?

【其他熱話】上水公屋大改造 260 呎可住8個人