那些年曾裸辭 葉劉淑儀認自己好無禮貌

社會 13:23 2016/11/01

分享:

表明有意參選特首選舉的新民黨主席葉劉淑儀在政府工作逾40年,由AO做到保安局局長,官途可謂扶搖直上,但原來她年少時也曾裸辭。葉劉淑儀形容自己當時「好無禮貌」,又「太過天真」地突然「炒上司魷魚」,最後能夠留下來是「執返身彩」。

葉劉淑儀於商台節目《鈺成千里目》接受立法會前主席曾鈺成的訪問,分享其昔日的為官之路。

【延伸閱讀】葉劉淑儀論參選特首的勇氣 稱自己屬虎很勇

1975年加入政府的葉劉淑儀,首份工作是在當時銓敘司、即公務員事務局的前身,負責處理公務員紀律事宜。她負責出信通知相關公務員被停薪、停職甚至被「強逼退休」,當時遭到不少相關公務員責罵。

葉太後來覺得自己「做唔來」,遂向時任上司麥高樂請辭。

其實我好無禮貌,因為如果工作上有困難, 應該搵老闆傾, 我真係年輕識淺, 唔係幾識人情世故, 忽然間彈封信畀佢, 佢收到唔出聲, 黑口黑面成個星期。

麥高樂最終問葉太是否已找到工作,有何打算時,葉太既未找到工作,也沒有打算。麥高樂最終叫葉太收回辭職信,葉太才能繼續在政府工作。

我個陣時太過天真, 25歲幾, 又無咩社會經驗, 真係唔應該, 當然我執返身彩啦。

1977年葉太調任民政署主任,到80年代任職首席助理政務司(地方行政),負責推行區議會選舉等地方選舉。由於選舉圓滿成功,葉太最終獲得時任港督麥理浩讚揚。葉太至今仍保存麥給予的表揚信,還讚揚對方「好醒目」。

我認為麥理浩真係好醒目, 我只是一個PAS(首席助理政務司)仔,只不過他在電視成日見到我出去做公關, 他自動寫封信表揚我, 好醒目!