Pizza Hut車禍路祭 死者父痛哭：「我好掛住佢」

前晚(12月5日)駕駛Pizza Hut電單車，於葵涌送外賣期間，與一輛拖車相撞慘死的速遞員郭家浩(25歲)，其30多名親屬好友，下午2時許重返葵福路意外現場進行路祭，眾人神情傷感，在道士帶領下進行儀式，親友不時落淚。

死者郭家浩，其弟是香港泳隊新蛙王郭家輝，兩兄弟均熱愛游泳。死者勤奮上進，惟父親早前因患癌症，醫療開支龐大，母親平日亦要兼職幫補家計。加上為完大學夢，身兼三職，但求可自力交學費，亦能照顧家庭開支。

【延伸閱讀】Pizza Hut「唔得閒」見車禍死者家屬 工會發起罷食

郭父事後指，自己數年前患腸癌，經治療後暫時病情已穩定下來，但9月覆診時發現癌指數再次升高，要加密覆診期。他現時仍有工作，做電氣工程。他表示，家浩是長子，相當顧家及有責任心，從不用家人憂心。本身是運動教練，但他曾向父透露，心知「教練唔可以做一世」，故進修文憑課程，志願將來可當體育老師。父親只知他在Pizza Hut工作，工資為每小時42元，但無太深入問每天工作多久。弟弟家輝亦不用家人擔心，他領取獎學金在理大就讀。

對於車禍，郭父直言自己亦是駕駛者，他勸駕駛人士，轉彎時一定要打指揮燈，可讓其他人得知你要轉彎，從而作避讓。說到這裡，他已忍不住落淚：「如果個拖車司機當時肯收一收油，我個仔仲響度...我好掛住佢呀，佢得25歲咋!」泣不成聲。