吳克儉稱憂TSA操練可轉校 鄭中基怒斥：講風涼話

教育局局長吳克儉昨日（21日）跟十八區家長教師會聯會及反對TSA的家長聯盟代表會面，之後又在其社交網站上載照片，感謝相關團體認同新版TSA的成效。

爭取取消小三TSA群組召集人金怡寧又在facebook引述吳克儉在會上指：「今時今日，家長唔滿意學校操練TSA，大可以唔去讀同轉校」，批評吳克儉厚顏卸責，並嘲諷他指：「局長，今時今日，轉咗你應該易過轉校囉！」

相關說法引發家長們不滿，有團體更發起家長一人一信電郵家庭與學校合作事宜委員會秘書處行動。

身為兩孩之父的歌手鄭中基今日在社交網站，批評教育局做法不妥。

家長唔滿意TSA可以唔去讀同轉校？咩教育局長會教家長咁做？家長們不滿你唔理，投訴你唔理，差不多跪求你取消你唔理，仲係度講風涼說話？！唔得掂你個X樣係得嘅！今日冬至，祝你一家團團圓圓！

【其他熱話】 小學生的TSA操練人生 家長：完全超越生活範圍