職場聖誕實錄 你是雪人定馴鹿?

職場 19:36 2016/12/27

分享:

聖誕節假期一眨眼就過去了,誠哥又會在各大社交網站上出現,並提醒一眾打工仔「準時返工」。你以為做聖誕老人以及一眾好朋友都好開心好得閒?其實聖誕老公公的團隊正正就是職場上的現實寫照,大家不妨一齊睇下自己或身邊同事屬於哪一種?

馴鹿

馴鹿是聖誕老人的「寶馬」座騎,一輩子讓聖誕老人騎住並在上面風馳電制,當世人感激聖誕老人為大家帶來各種禮物與歡樂的時候,大家又何嘗想過馴鹿們的感受。牠們一生跑呀跑,沒有功勞只有苦勞,從來都無人知道牠們有多努力。就算反抗聖誕老人,但面對龐大的馴鹿團隊,其實多一個唔多,少一個唔少,猶如「清兵」數之不盡,雖然勇字當頭,但永遠「行先死先」,仕途非常坎坷。

PS:公司入面,最多的就是這種得個做字的馴鹿

薑餅人

薑餅人樣子甜美可愛,十分討人喜歡,職場上亦有不少薑餅人。他們日日著到靚一靚,實情只是一塊老薑,幾十歲人但仲要扮靚扮cute。每日見佢地個馬騮seafood已經唔係咁開胃,最難頂的是他們口頭禪永遠都是「真係嫁?點解嘅?」,令人煩厭之餘,真係好想大巴大巴煎過去。

PS:公司入面的薑餅人大多都是上年紀的阿姐

【延伸閱讀】聖誕點解要薑餅?達人教製波蘭傳統薑餅

雪人

外表圓碌碌,成日以為自己好好笑,其實啲gag冷到嚇你一跳,根本就係個話題終結者,再唔係就成日同你分享佢「昔日」如何擊退破壞王細路的「輝煌歷史」,但其實無人想知囉,大家都係同「扮工」...

PS:公司最常出現的雪人就係senior你少少,年資高你少少的同事

聖誕樹

衣著光鮮,但做唔到野之餘,其實得個擺字,更沒有實際用途,外面發生乜事佢都唔會理,經常置身事外,連聖誕老人都郁佢唔到,就好似身穿「黃馬褂」的皇親國戚一樣,同事小薯們一般都唔敢叫佢做野。

PS:公司永遠都有老闆的親戚座鎮

聖誕精靈

相信大家對Harry Potter裡面的管家精靈「多比」同佢嘅精靈朋友都唔會太陌生,作為大內總管,佢掌握一切消息流通,擁有千里眼同順風耳,佢收到嘅風,準過天文台,快過路邊社,並神出鬼沒,都唔知喺邊度收風,即使某某同事剛遞辭職信,佢已經爆響口畀全公司知,都咪話唔驚。

PS:公司的八卦同事時常散落四周

【延伸閱讀】在聖誕老人村打工 要識跳舞講故仔

聖誕老人

做到至高無上的位置,所有人都睇佢頭,佢話每個月幾時要派糧,馴鹿就要做跑腳,仲要全力討好佢,招呼佢一日三餐,幫佢處理一切瑣碎事,小事唔好搵佢,大事就通知聲。說到底,佢咪你老細囉。

PS:你同我身邊都至少有一個

【其他熱話】Tim Cook 日看700封電郵 CEO處理Email 有辦法

【其他熱話】網絡英雄練成記 DustyKid安慰11萬塵民心靈

【其他熱話】3呎高幕後玩家 冀做「中環人」