鄭丹瑞:意氣用事

職場 10:32 2016/12/28

分享:

電影《小男人周記第3集》裏,有場周秀娜裸辭的戲,是我累積這幾十年來,向不同老闆辭職,又或下屬向我辭職的一些經歷,從中得到的啟發;恕我不能劇透,但我敢肯定,如果你的下屬在你面前如周秀娜般裸辭,你一定是天下間最幸福的老闆。

本文執筆時,仍然未知道阿爺是否批准司長辭職,請辭的那個高調張揚,批准的那個低調神秘;令到媒體更加好奇、更加興奮,時間拖得愈長,愈多古仔,愈juicy!

「乜辭職可以唔批准㗎咩?」白癡損友甲,不明白政治、官場有幾波譎雲詭,無端端發問,被一眾損友揶揄:「咁係呀嘛,特首又夠自己行出嚟話唔做,到底阿爺有無批准?批准嘅手續係點樣?我哋都係矇查查,唔知㗎啦,真係特首講話唔撈,我哋就信佢咋噃!」損友甲死撑。

有人視辭職為洪水猛獸,完全不懂如何請辭:「唔知點講!」「唔好意思話走。」有人一生只打一份工,完全不懂得如何寫辭職信;有人視辭職為家常便飯,從電腦下載一封辭職信,簽個名就搞掂;一班九十後的辭職方式就更加乾淨利落,懂得利用手機短訊向公司辭職。「識得咁做嘅年輕人,已經算有交代,有啲玩失蹤,連通知一聲都慳番!」好事之徒說。

智者曾經講過:「辭職的唯一原因,就是你肯定下一份工,比現在這份工作更有前途,而不是因為意興闌珊,又或者意氣用事。」財爺是一位智者,他決定辭職,必定已經胸有成竹,祝財爺心想事成。

【其他熱話】 行李箱界LV 拆解Rimowa 點解賣咁貴

【其他熱話】捐血你要知 AB血型是「萬用受血者」?

【其他熱話】新界打工仔返工的無奈 每日車程夠飛台灣

撰文 : 鄭丹瑞