港島人VS新界人 返中環工的樂與怒

居住在新界大西北的朋友，返工要預早個半鐘頭出門口的慘況，相信大家有目共睹。不過，似乎比較少人提及港島人的返工路程。

隨著港鐵南港島綫開通，家住鴨脷洲、黃竹坑的打工仔總算多了個交通選擇。根據港鐵的資料所指，由海怡半島出發，到中環約需18分鐘(未包括等多幾班車的時間在內)。

【延伸閱讀】新界打工仔返工的無奈 每日車程夠飛台灣

在南港島綫啟用前，其實南港島人與新界人的返工時程差不多。假設公司位於中環一帶，最直接是經香港仔隧道，連接黃竹坑及銅鑼灣。但眾所周知，香港仔隧道長期擠塞，擠塞程度可與屯門公路一戰。不過，香港仔隧道直達銅鑼灣，不用於海底隧道再塞。

南港島綫通車，雖然去到金鐘都會「迫餐死」，但家住南港島的打工仔終於可以瞓多一陣。

而住東區的打工仔，地理位置看似佔優，不過經由東區走廊出入，同樣避不過塞車的命運。如果家住港鐵沿綫，港鐵車程約20到25分鐘。不過無論搭巴士或地鐵，時間都不如從遙遠的新界出發般長。

返9點，當住在粉嶺的同事A早上7點起身梳洗，7點15分出門(手腳慢的朋友可能要6點45起身)，東區的同事B還在睡夢中，8點起身，15至20分鐘後出門，9點正返到Office打卡。

【延伸閱讀】港島人的5件事 返中環工可以瞓多粒幾鐘

當然，住港島不一定代表方便。住在赤柱、薄扶林，一樣要花上大半小時，甚至1小時的車程。當同事問起：

你住邊度？

你答：

赤柱

同事可能會表示：「起碼唔駛過海。」但你心想其實從黃埔、旺角出發，可能仲快過自己，真係有苦自己知。

唯一值得慶幸的是，住在港島有「主場優勢」，不用過海，返中環的交通費平一半左右。

【延伸閱讀】歐洲僱員搭車時間計工時 香港打工仔羨慕吧

話雖如此，其實也有不少港島人不在港島區工作，反而公司位於九龍新界，返工車程一樣花時間。

有人會話：

嫌遠咪轉工囉﹗

講就輕鬆，事實上「有頭髮邊個想做癩痢」？

要返得開心的工作，還是近屋企的工作，任君選擇。如果你找到一份於屋企附近、自己又喜歡的工作，當然是最幸福的事，但談何容易？

【其他熱話】全球百大美女榜 邊位排第1？

【其他熱話】大台撈唔掂？ 離巢藝人總欠一個發揮機會

【其他熱話】捐血你要知 AB血型是「萬用受血者」？