鄭丹瑞:睇開啲

職場 13:54 2016/12/30

分享:

一班損友為我慶生,好事之徒問我生日願望;我說,希望能夠「凡事再睇化啲」。

曾被損友冠以「唔化旦」的稱號,事事看不順眼,總愛強出頭,十次有八次強出頭後,都碰得一鼻子灰,甚至焦頭爛額。「唔化旦」於最嚴重情況下,連塞車都要出頭,自己揸車就不停響號催促前面的車,口中唸唸有詞,罵人絕不手軟,即使明知根本不關前面那輛車的事。坐在公共汽車上,眼巴巴看着寸步難移,又急又躁,怪司機不夠醒目,被人爬頭,怪人家手腳慢,總之全世界都錯!

朋友被欺負、壓搾,第一個衝出來找人晦氣,也不先問問誰是誰非,結果怪錯好人。事事跟旁人比較,做得比自己好的,是他們撞彩、靠關係、走後門,然後怨自己生不逢時、大材小用。

世界在我這個「唔化旦」眼中,盡是不公平事,尤其覺得世界對自己更是不公平。每天用「睇唔開」、「唔化」心態過日子,憤懣愈積愈多,這一切竟反映在工作上,令工作失去焦點、意義和信心,讓合作夥伴避而遠之。

不斷有前輩智者勸我「睇開啲」,無謂太執着,就是聽不入耳,繼續「睇唔開」、繼續讓「唔化」的心情影響工作和家庭生活,直至崩潰。重新站起來並不容易,站穩後,開始依從前輩訓誨:凡事「睇化」一點,學習一急躁就深呼吸,看不過眼就索性閉上眼睛,不與人家比較,只求每天活得比昨天精采,一年比一年更「化」。新年快樂!

【其他熱話】 燃燒生命的工作 容易「過勞死」高危職業

【其他熱話】日本人遊香港食買玩之選 點解最愛買Tempo ?

【其他熱話】海關3.6萬元請督察 邊關最易「肥佬」?