葉偉麟:拯救被排斥男童的Elsa魔法手套

親子 09:56 2017/02/28

分享:

相片來源:iStock

四歲男童,就讀K2國際學校,性格內向甚少說話。奇怪是,孩子每每被男生拒絕,情緒會突然失控,打人甚至咬人。

更多親子資訊【請按此

家長:

佢平時斯斯文文,同D女仔玩得好投契,但一到同D男仔玩,唔知點解次次最後總要喊住咁收場。

我:

佢哋而家男仔羣男仔玩,女仔羣女仔玩,係好正常嘅發展階段,啲男仔排擠佢,似乎背後有啲嘢喎?

家長:

佢哋話我個仔成日都同女仔玩,又玩埋晒啲女仔野,所以唔受佢玩噃。

細問之下,原來這羣身邊的孩子早便被灌輸了:不可以喜歡粉紅色、玩洋娃娃、隨便喊、與女孩交往等「男孩文化」。

【延伸閱讀】將孩子的缺點無限放大

而這男童正喜歡玩女性化的玩具,和女孩交往。結果男童遇到「恐懼」、「傷心」等等被標籤為弱者的情緒,又不敢在別人面前表達出來,全部都抑壓下來,之後,一次過以憤怒爆發,演變成打人及咬人。

家長:

如果唔制止佢再玩女仔嘢,佢會唔會變Gay 架第日??下?

我:

第一,佢將來變成點,同複雜嘅基因結構、荷爾蒙、環境因素全部都有關連,唔能夠太早下定論。

第二,細路仔「玩啲咩」唔係問題,我哋「對件事嘅反應」先係問題。佢咁鍾意玩D女仔玩具,背後一定隱藏着一啲訊息,我哋先唔好帶有色眼鏡去睇件事。

男童來到治療室接受治療,他會選擇拳套、刀劍、槍械、繩索等對付心目中的「惡魔」。透過攻擊,他的內在負面情緒得到釋放,並似乎感受到自己擁有強大力量。

【延伸閱讀】嬰幼兒「爆拆」愈保濕愈痛 邊款潤膚乳幼兒大忌?

男孩:

呢個拳套好犀利,砰砰砰!

我:

啊,你出拳又快又準,好有天份。

男孩:

我係教練,示範你睇,行開!

經過一輪激烈示範之後,他開始靜了下來。

男孩:

我依家唔想玩拳套,我想扮 Elsa 公主。

我:

好啊,我哋需要啲咩道具?

相片來源:葉偉麟 Facebook

於是他戴上Elsa手套,手執魔法棒,再戴上自製的皇冠,然後施展魔法,連動作及聲線也變成了相當女性化,拯救剛才被他攻擊過的「惡魔」,把他們全部變回好人。他感到magical power 的威力。

在一場透過想像力的角色扮演,同時出現了「生事者」、「受害者」、「拯救者」的三個重要身份。男孩可以站在不同「身份」觀點角度,從而建立出同理心及智慧。

兩個月之後⋯⋯

家長說:

我覺得佢自信心好咗,同啲男仔玩起上嚟好融洽,再無打人咬人嘅情況出現。點會咁嘅?

我:

因為佢已經變咗做Elsa公主嘛!

家長:

下?唔係啩?

我:

唔使驚,我係指佢嘅心態。哈哈⋯⋯

Elsa ,就是他幻想拯救自己的人,

而事實上,Elsa,亦就是他自己。

原文刊於作者Facebook,獲作者授權轉載。標題經TOPick編輯修改,原題為《拳擊手套,魔法手套》。

【其他熱話】零致敏不化學 邊款嬰幼兒潤膚乳最pure?

【其他熱話】電訊商轉台攻略 同級月費計劃邊間抵用?

【其他熱話】特朗普愛女坐上美國總統寶座 「第一千金」成功靠父幹

撰文 : 葉偉麟 兒童行為情緒治療師