明福俠開Show 10大黎明金句你聽得明幾多?

娛樂 16:22 2017/02/24

分享:

黎明今晚又開現場會喇!向來字字珠機的他,出自他口中的金句可謂多不勝數。TOPick今日就趁明福俠開Show之日,同大家重溫10句黎天王金句。

1. 我朝早唔會空肚食早餐!

據杜汶澤訪問指,當年黎明於早上吃過三文治後感到不適,便說了「空肚食早餐就麻煩」,實際意思其實是早上不要吃生冷食物。

2. 左手又係肉,手背又係肉。

原意為諺語「手心又係肉,手背又係肉」,卻因黎天王一句而令大家更入腦。

3. 衞蘭肥過部電單車

當年黎明跟衞蘭拍攝廣告,他就指:

我唔會鼓勵話鍾意佢肥,但亦從來沒有嫌棄過佢肥。作為朋友,喺適當時候,我會婉轉地同佢說,正如有次我同她合作拍個綿羊仔廣告,當時佢肥過部綿羊仔,咁點同客人交代,所以我就話佢「你體型肥過部綿羊仔」,佢一聽就明。

4. 核心嘅外圍係核心嘅內圍

相信連科學家都解釋唔到的問題,就只有黎天王才知道。

【延伸閱讀】黎明30秒鬼咁快急口令 聽唔清楚聽多次【有片】

【延伸閱讀】黎明狂爆金句:創意不是要做Spiderman

5. 我喺英國讀書時,試過有同學俾支大麻我,我唔要,因為啲錢係爸爸供我讀書嘅,我覺得就算真係要食嘅話,都等將來賺到錢先買。

當年黎明於一個禁毒活動中如是說。

6. 其實當年我去英國讀書已經係咁,呢個係我嘅習慣,如果魚柳包裏面嘅魚柳變咗就唔係魚柳包。

被問到髮型一成不變,黎明就以魚柳包為例子解釋。

7. 我畀錢傭人去泰國住一星期學煮咖喱雞同春卷,依家煮到九成似,一模九樣

未知黎天王的傭人,現在還學了哪些菜式呢?

8. 戀愛就好似打遊戲機咁,每個人都會過關,打爆機,明白個遊戲點玩,但係到你爆機時,你已經魂歸天國。

黎明被問及對愛情的看法時以打機來形容,未知他現在已明白遊戲玩法嗎?

9. 當明白面對不同世事轉變實屬常規時,我只會繼續做好自己。

黎明被問及與樂基兒離婚時,他向傳媒作以上回應。

10. 吹牛嘅嘢應放喺吹牛度,真正嘅嘢放喺真正嗰度

黎明曾被指聲言與前妻樂基兒「不再是朋友」,當年更出售二人於上水的愛巢,他於一個訪問中以此句回應,表示以上傳媒報道不實。

【其他熱話】比蛋黃魷魚更邪惡 營養師拆解壞膽固醇元兇

【其他熱話】bossini大挑戰 方健儀vs美國網絡紅人倒唸廣東話【有片】

【其他熱話】90後少女挪威賣魚儲錢 創手袋品牌營業額過百萬