盤點國泰兒童飛機餐　點解餐單避免含豬牛肉？

親子

發布時間： 2017/05/19 16:56

最後更新： 2020/05/18 12:54

同小朋友去旅行，最擔心是飛機餐吸引不到小朋友，小朋友「扭計」不肯進食，家長的確大感頭痛。本身是2歲孩子的媽媽的國泰航空機艙事務長張凱媛Alice，拆解國泰航空兒童飛機餐的特別之處。

1. 兒童飛機餐

如果飛長途機，以香港飛往澳洲悉尼的航班為例，小朋友可享用一份兒童晚餐及早餐(需提早預訂)。

晚餐包括前菜、主菜、甜品及果汁。為方便小朋友進食，Alice解釋主菜會避免使用意粉，免得小朋友食到「周身都污糟」，會較常用長通粉，讓小朋友可以「一拮就食得到」，食得方便又乾淨。另外，考慮到宗教的飲食習慣，餐點盡量避免含有牛肉或豬肉，主要以雞肉為主。

乘搭長途機，大人、小朋友都會有雪糕。

而早餐方面，兒童餐會有水果、乳酪、主菜、蛋糕及飲品。主菜包括有薯餅、煎蛋、車厘茄等。

▲ 左邊為早餐，而右邊是晚餐，所有兒童餐均需於起飛前最少24小時前預定。(程志遠攝)

隨餐會附有一份特別的餐具，有印有卡通公仔圖案的彩色膠餐具。Alice指很多小朋特別喜歡的藍色螺旋型的膠飲管，飲管上有藍色魚仔裝飾，餐具用完後可以帶回家留念。

▲ (程志遠攝)

餐單會每個月更換一次，但不含魚骨、肉骨、重調味或任何可能會導致窒息的食物。而所有特別餐膳(包括兒童餐)需於起飛前至少24小時前預訂。Alice指兒童餐只會按預訂數量準備，不會有額外的數量作後備。如果想小朋友有兒童餐食，就記得要預訂。

2. 嬰兒飛機餐

至於2歲以下的嬰兒，未必適合進食兒童餐的固體食物，所以家長可為BB預訂嬰兒餐，每份包括有果汁，以及兩種口味的嬰兒食品，一款鹹味、一款甜味。

▲ (程志遠攝)

而嬰兒餐亦需於起飛前至少24小時前預訂，同樣亦不會準備額外數量的嬰兒餐。

機艙服務員於派餐時會先派兒童餐及嬰兒餐，有預訂兒童餐的小朋友就唔怕肚餓可以食飯先。

3. 媽媽想餵奶可以如何安排？

如果媽媽想開奶粉，可告知機艙服務員，機艙服務員可提供熱水。

如果需要餵哺母乳，媽媽可使用電子泵奶器，但於起飛、跑道滑行及降落時需要收好泵奶器。

不過，基於衛生理由，機艙服務員不可以為乘客自行攜帶的食物加熱或冷藏，如果媽媽有需要保存預先擠出的母乳，機艙服務員可提供冰桶保冷。