昂坪360 即將重開 10歲小童今年免費搭纜車

連接東涌同昂坪高原的昂坪360，是不少旅客遊港必坐之選。之前纜車為了換纜索而暫停，帶外國朋友來港玩都少了一個景點。但有消息指，昂坪360換纜索工程已大致完成，在測重量及營運系統後，有望在未來兩周內重開。

推出電子排隊服務

昂坪360最近請了10個香港著名設計師，包括靳埭強、劉小強等設計了20款以「香港的驕傲—大嶼山」為題的纜車，有青馬大橋、大澳龍舟，夠晒本土特色。公關指將會推出限時優惠，只要在昂坪市集購物滿200元，可憑單換港鐵單程車票一張。

▲ 靳埭強坐在自己設計的纜車亮相。(相片來源：晴報)

昂坪360董事總經理關敏怡表示，適逢開業十周年，所有10歲小朋友都可以在重開後至今年12月31日無限次免費搭標準車廂，最多同行2名大人都有9折，

確實幾時重開主要睇天氣，因天氣會影響到測試情況。

▲ 關敏怡表示昂坪棧道都會在下月30日重新開放，公司都升級了語音導賞簡介景點。(相片來源：晴報)

她又透露今次維修在預算$8,000萬內完成，暫無加價打算，預計重開後每日可接待5,200人次。首星期營業時間稍為縮短，只開朝10晚5，以便進行夜間檢查及維護；一周後才回復朝10晚6。

纜車重開首日，會推出電子排隊試驗版新服務，旅客用fb Messenger或WeChat就可拎到排隊籌，有預計輪候時間，夠晒方便。

原文刊於晴報，標題經TOPick修改，原題為「昂坪360料兩周內重開 10歲童免費乘搭 另推主題纜車」

《晴報》facebook

【其他熱話】迪士尼推$759學生通行證　11個星期無限次入場

【其他熱話】博物館全年通行證　最平$25無限次入場睇展覽

【其他熱話】與海洋動物共度一宵 邊個水族館最抵玩？