鄭丹瑞:珍珠無咁真的尊貴客戶

職場 18:21 2017/07/18

分享:

一間本地大型銀行邀請我去演講,在其中一個名為「應該點做」的環節中,大會提供一些客戶在銀行接受服務時做出的行為,要大家舉手回答應該如何處理?綵排時,我已看過一遍,登時的反應是:「係咪作出嚟㗎?」大會同事誓神劈願說:「珍珠無咁真!」

其中一個個案,有客戶投訴銀行服務不盡如意,客戶經理耐心聽完投訴後,嘗試為客戶解決問題:「首先多謝你嘅意見——」經理剛開口已被這位客戶截停:

做乜嘢多謝我?我又無送嘢俾你,我係嚟投訴嘅,你應該講唔該!

然後,絮絮不休地把小事化大,時間一分一秒過去,客戶樂此不疲硬要經理聽他演講,一講三小時,臨走還拋下一句:「你知嘛,我啲時間好寶貴㗎!」

遇着這種尊貴客戶,應該點做?認真考起!如果你覺得離譜,未算,有客戶投訴銀行招待貴賓的休息室:

愈嚟愈多人,個個成身汗,又無家教,cheap到死,要我同佢哋坐埋一齊真係有失身份!我要投訴,唔該下次唔好再俾我見到佢哋!

如果有編劇夠膽寫這場戲出來,我一定第一時間把劇本丟入垃圾桶,天下間怎可能有這種人?﹗誰會講得出這番話?!大會同事再次重申:「真人真事!珍珠無咁真!」

演講後,不停反省自己可有做過同類事情,愈想愈驚,因為原來好大可能「做咗不自知」!

【其他熱話】有禮貌都有錯?港男投訴清潔員工講早晨

【其他熱話】港爸投訴炒貴刁太辣 名廚解構正宗炒貴刁做法

【其他熱話】空姐空中奇遇記 「硬食」投訴百次的麻煩客

撰文 : 鄭丹瑞