認清汗癬 教你向癬痕說不

一到天氣悶熱嘅夏天，皮膚就好易因為流汗而焗到出癬，痕癢不適已經令人好困擾，有時响公眾場所忍唔住周身搲，俾人見到仲覺得好尷尬同失禮。如果你都同小編一樣，係個容易出汗嘅大汗達人，就要學識點樣對付汗癬，加埋正確嘅皮膚護理方法，避免受癬菌侵擾。

1. 點解會生汗癬？

汗癬其實係由真菌感染引起，屬於具傳染性嘅皮膚病，最常出現係皮膚多汗潮濕嘅位置，例如大脾罅、腳趾間、腳底、手掌、腋下等侷熱而不通風嘅身體部位。體汗較多、肥胖、體溫偏高、經常戶外工作，或者運動後唔可以及時沖涼，都容易令皮膚係短時間內滋生大量真菌而染上汗癬。

2. 點樣避免汗癬滋生？ 

使用抗真菌藥膏固然係最有效嘅方法殺滅真菌，不過同時亦要留意，因為汗癬好容易復發，特別係曾經受感染嘅位置，所以針對根本嘅方法，始終係要保持皮膚乾爽，完全唔俾真菌有機會出黎搞搞震，否則搽完藥膏好返一排又會循環復發。

3. 乾爽皮膚小貼士

所謂預防勝於治療，以下呢啲响夏天保持皮膚乾爽嘅方法，都可以有效減低真菌滋生嘅機會：

．平時出汗後要盡快用毛巾抹走汗水

．運動後亦要盡快抹走汗水，或沐浴更衣

．穿著透氣度高嘅衣服、鞋履、勤換襪子

．保持良好抵抗力，確保表皮正常發揮屏障功能

如果真係經常出汗，除咗以上貼士之外，坊間仲有專門針對止汗嘅個人用品，幫助避免皮膚受真菌感染。例如 Antihydral 德國止汗妥就含有獨特嘅有效成份，可以控制汗液嘅流量。每日只需要搽 1 至 2 次，就能夠揮發汗液，有效消除真菌滋生環境。大家都唔使擔心身體無辦法散熱，因為止汗成份只會控制指定部份嘅汗腺（如大脾罅），汗液會改由身體其他汗腺排出，所以總排汗量並唔會改變。

衛生署註冊編號: HK-47943

銷售點：各藥房藥行及屈臣氏藥劑部有售

(內容由客戶提供)