好油好油，教你KO頭油！

唔知有無人同小編一樣，望人嘅第一眼就係望個樣。不過無論個樣點型點靚都好，小編最驚見到一樣野──油頭！不論男女，每次見到啲又油又笠嘅頭，小編心入面都會對佢大打折扣！小編嘅秀髮一向係我最引以為傲嘅事，但最近竟然開始出油！無計啦，夏日炎炎又潮濕，的確容易引發頭油問題……

要解決頭油問題，又唔係完全無辦法。小編教你「3 Yes 2 No」，同頭油說不，還原清爽頭髮！

✔ 早啲訓

夜晚10點到凌晨2點係「美容覺」時間，亦係人體新陳代謝同血液循環進行得最活躍嘅時間。如果成日熬夜，體內賀爾蒙就會提升，令體內分泌同頭油增加。你會發現休息唔夠嘅人，頭油特別多，所以記住要早啲訓喇！

✔ 正確洗頭步驟

洗頭前先梳梳頭髮，將外部灰塵梳走，用暖水沖濕頭髮，將小量（一元硬幣大小）洗頭水搓至起泡，短暫停留係髮上約半分鐘，用水沖走。之後再將適量洗頭水搓成泡，今次就輕柔地將泡均勻抹係頭皮，同時按摩頭皮，最後用暖水沖洗泡沫。兩次沖洗可達到深層清潔效果。

✔ 揀啱pH值洗髮產品

講到尾，揀啱pH值嘅洗髮水先係最重要。小編之前都有試過坊間針對頭油問題嘅洗頭水，但用完都好似無咩用，一出街又變返油頭！最近我試用左【施巴】油性洗髮露，用到好物就同大家分享下啦！

要先淨化頭皮，之後先可「去油」同時「控油」！【施巴】油性洗髮露係德國No.1醫學潔膚品牌，小編中意佢性質溫和，不含矽靈同礦物油，極大程度咁減少髮絲間嘅摩擦。洗髮露可以深層調理同舒緩頭皮、疏通毛囊，達到淨化頭皮嘅效果。而且含有pH5.5醫學配方，促進同鞏固皮膚保護膜形成，增強頭皮自身嘅防禦屏障機能，真正做到去油同控油！

小編最怕洗完頭會搞到髮絲勁乾燥，但因為【施巴】油性洗髮露有弱酸性保護膜，係調整同平衡油脂分泌嘅同時，亦可以Keep住頭髮滋潤度、柔順易梳，頭皮仲幾清爽添！重點係洗完頭嘅第二日，頭髮都仲柔順，無再油笠笠。

✘ 狂洗頭

好多人以為勤洗頭就可以洗走頭皮、頭油同塵埃等，但幾耐洗一次頭其實都要因應每個人嘅髮質、頭髮長度、活動量等判斷。例如一個乾性髮質、長期留係室內、運動量唔太多嘅人，就適合兩日洗一次。

✘ 食油膩等重口味食物

好多出油嘅朋友仔都中意食重口味食物，油膩、辛辣食物都會導致體內積聚難以消化嘅脂肪，加重皮膚油膩程度，引發頭油問題。當然啦，生活習慣都會影響頭皮生長，長期唔運動、食煙飲酒等都會引發頭油。

(資料由客戶提供)