90後香港仔韓國開茶記 分享居韓Oppa生活小細節

職場 12:18 2017/08/28

分享:

近年,港人愛上旅遊韓國,記者身邊不少朋友每年亦定必要到泡菜國打卡幾回才滿足。問朋友們何解咁鍾意韓國?原因很簡單,韓劇令她們愛上Oppa、韓妹,也愛當地的食買玩和韓國文化。然而,若要在當地長居生活,感覺又會否一樣呢?在韓國首爾梨大區開設港式茶記的港人周俊亨(阿亨),已在當地生活2年,問他在韓生活與港有何不同?他:「Umm......」了一聲娓娓說出兩地生活小節的大不同。

講年齡要加大1歲

阿亨是位九十後,記得第一次訪問阿亨時,他說自己26歲,後來再確定他的個人資料和履歷時,他才「醒起」改說是25歲。

在韓國要計大1歲,所以習慣了說自己26歲,哈哈!

點解要計大1歲呢?原來韓國人計埋嬰兒在母親懷胎時的時間,所以一出世就已是1歲。

飲酒唔飲到凌晨唔俾走

香港人大部分放工就返屋企,就算要與朋友吃飯,吃完都會急急腳走。但阿亨說:

韓國人就唔會俾你走,去完一間食之後,又去飲嘢,玩到好夜,但其實個個第二朝都要返工!

這種就是韓國人的聚餐文化,好多時更要轉三次場。第一場是去餐廳食飯喝酒,跟住通常轉場到卡拉OK唱歌飲酒,第三場再去另一家酒家再飲過。不過,阿亨補充:

最後都係跟大隊,唔慣都要適應,了解佢地文化就要試。唔想都好,逼住去,去去下就了解習慣!

唔可以掉廁紙落馬桶

韓國住宅的廁所U字渠位較窄,容易淤塞,所以如廁後不可把廁紙掉進馬桶,而是要掉進洗手間的垃圾筒內。另外,韓國嚴格執行垃圾分類,要自購不同顏色膠袋分類,這點令阿亨最不習慣。

舖頭都要(垃圾分類),要買膠袋分開膠、紙和普通回收唔到的垃圾,好麻煩!

地鐵少電梯要行好多路

香港的地鐵站升降機不多,但勝在有扶手電梯,而韓國的地鐵,連扶手電梯也少之又少。

仲有唔知點解係度會行好多路,尤其是轉線搭地鐵,要行好遠路先轉到車,初來韓國又人生路不熟,真係行好多路,韓國人個個都好行得!

或許就是這樣令韓國人練成一對鐵腳。

iM教室下月初邀請阿亨回港,分享他在韓國創業的實戰經驗,如喜歡韓國文化兼有興趣在當地創業,歡迎報名參加,到時可親自與阿亨交流,同場還有曾在韓國讀書和工作的「韓國通」、中大助理講師鍾樂偉,分享韓國創業和當地生活情況。

  • 創業大世界 韓國實戰攻略
  • 講者:中大助理講師鍾樂偉、首爾創業港人周俊亨
  • 日期:2017年9月4日(星期一);7:30pm - 9:30pm
  • 地點:北角渣華道321號柯達大廈二期5樓
  • 詳情:goo.gl/x1qong
  • 查詢:imktg@hket.com 或 whatsapp 5307 3881

【延伸閱讀】韓國吹港式奶茶風 90後香港仔150萬闖韓國開茶記 

撰文 : iMoney智富雜誌