港鐵App新增功能被指抄襲 港鐵：會注意溝通可做更好

港鐵早前於「MTR Mobile」手機應用程式，推出快捷出站及站內搜尋功能，引起抄襲疑雲。

本港手機應用程式「Pokeguide」昨晚上於fb專頁帖文，指去年曾與港鐵高層開會提出合作，開放程式內車卡車門答案數據予港鐵，方便乘客快捷出站。

地鐵只需要喺佢嘅答案頁面credit番我地就得，唔明點解港鐵仲要花費千萬做番個一模一樣嘅功能？？？

Pokeguide又指，會上亦曾向港鐵提出拉攏研發beacon的初創合作，以beacon做法引導乘客接收列車班次延誤通知，或提供出口附近地區新聞或店舖優惠，獲對方認同及研究方案。

之後我地一直再冇任何書信往來，直到上星期睇見佢地大肆宣傳先知我地嘅idea又被「無通知下徵用咗」。

港鐵客戶體驗拓展總經理Annie今早於港鐵fb專頁回應事件，直言港鐵早於2013年已留意紐約有提供地鐵快捷出口的應用程式，及後亦發現本港出現類似應用式，包括「Pokeguide」。

港鐵承認曾與「Pokeguide」及其他初創商討合作空間，惟衡量不同利弊後，包括資料準確性同發展方向等，最後決定於「MTR Mobile」加入快捷出站功能方便乘客。

就站內搜尋方面，港鐵亦稱早於2015年獲建議於「MTR Mobile」上應用Beacon，提供導航及提示功能，隨後亦已著手研究，並於站內搜尋功能應用。

港鐵承認，將來冀與不同初創合作，「將來亦會多注意喺溝通上面有冇可以做得更好嘅地方」，今亦已聯絡「Pokeguide」商討事件。