IB滿分入不了牛津? IB升學專家:揀錯科的悲劇

親子 12:18 2017/10/06

分享:

9月至10月將會係IB 學生非常忙錄嘅時間,IB 第一年嘅學生忙選科,第二年嘅學生忙報大學(劍橋牛津10月中deadline)。近排Hkexcel 為過百位學生諮詢大學事宜,見到一些學生,真係感覺相逢恨晚, 就算我地機構有多年升學經驗, 都難以力挽狂瀾。一切都出自選錯了科。希望藉此專欄, 防止悲劇發生。

首先, IB 有六科要修讀,三科可選Standard Level (基本程度) ,另外三科可選Higher level (高級程度),簡單黎講, 三個易, 三個難。每科分數最高為7 分, 所以Level 7 即係我地以前講嘅 Grade A。IB 一定要有兩科語文,四科術科。但係,聰明嘅你, 一定知道揀科唔係藝術,而係策略。

1. 大學科目要求

有些學生想大學報讀如港大經濟系, 點知選讀了 Math SL ,其實已經唔洗諗,因為經濟系要計高級微積分, 數之繁複,至少要求學生有6 或以上Math HL 嘅成績。

再講一例, 有位內地嘅ib 學生選讀了Eng B SL (B 即指第二語言,A為第一語言), 成績非常出眾,Predicted Grade 有44/45, 諗住搏入Oxford 法律系。雖然有啲唔忍心, 但係我地都係同家長講, 無可能。 「我個仔44分喎!唔通牛津淨係收45分滿分嘅學生?」家長震怒。

我地升學顧問,嘆了一啖長氣,拿出oxford 嘅法律系收生要求 ,「最低都要English B HL啊」。家長頓時欲哭無淚。

2. HL 科目分數要求

好多大學收生, 除左着重中IB總分之餘,三科HL 科目會有特別要求,所以選讀HL時, 最好選讀自己興趣或強項,容易啲得心應手。如英國倫敦大學建築系,雖然沒有指定科目要求, 但要求學生HL一定不可低於5分,三科HL 至少要兩科6以上。簡單黎講, HL 如果考到任何一科4分, 或者三科係556/555, 可以唔洗諗倫敦大學了。

所以,如果year 1 IB 嘅家長, 唔想下年同我地嘅升學顧問相逢恨晚,沉仲有得修改科目,重新審視仔女的選科啦。

【其他熱話】談IB的壞處:不容易入英美頂尖大學?

【其他熱話】IB並非一試定生死 校內考試成績重要過公開考試?

【其他熱話】IB狀元都出自「虎媽式」教育?

撰文 : Ryan & Edward HKexcel IB Specialist創辦人