退休信心調查 醒你入「退休勝利組」貼士

到底退休之後，要有幾多錢積蓄先能夠確保將來享受到心目中嘅理想生活質素呢？安聯投資早排公布連續做咗 4 年嘅「退休信心調查」最新結果，發現香港人嘅理想退休資金高達 511 萬港元（下同），比起去年上升17%，但受訪者自己預期退休時可以攞到嘅退休金，就只得 319 萬元，兩者相差 192 萬元。只有唔夠三成受訪者表示對退休有信心，62%受訪者仲話，惟有第時減少退休後嘅生活開支喇。

不同人生階段 退休條數計法唔一樣

其實好多人都明白，及早開始規劃退休實有著數呢條金科玉律，不過响唔用人生階段，就要用唔同嘅策略，例如揀啱投資工具，咁先可以達到預期回報。簡單啲講，就係「個個都 plan 退休，唔通個個退休 plan 都一樣咩」，咁當然係有分別啦！

年輕一族 低估退休後財務負擔

以年輕一族為例，調查發現 25 至 34 歲群組中，一半受訪者認為唔使咁早做定退休準備，仲有四成人更會將收入優先用黎去旅行！至於响投資方面，佢地平均會將接近一半流動資產存放响相對增值潛力無咁高嘅港元儲蓄。安聯投資認為，數字反映年輕人對於規劃退休意識較低，低估咗退休之後嘅真實財務負擔，亦唔識揀適合嘅投資資產種類，更有可能錯過累積資產嘅黃金時間，實在非常可惜。

兩子女雙職家庭 退休信心最高

咁到底邊一班群組最識得為退休作最佳部署呢？原來係屋企有兩個子女嘅雙職家庭！呢個結果反映佢地明白到養育孩子嘅開支好大，所以反而更加重視退休規劃，更積極部署退休儲蓄同投資，所以佢地預期退休資金可以支持嘅退休生活係所有群組之中最長，而且亦對退休生活睇得更加樂觀，名副其實係「退休勝利組」。

信念先行 付諸行動 加入「退休勝利組」

其實只要有決心為將來退休及早未雨綢繆，再將信念付諸實踐，早啲搵專家一齊計掂條數拍住上，你同我都做到退休大贏家！專家教路，致勝關鍵三大招數係「實踐計劃」、「額外儲蓄」以及「開源有道」。千祈唔好睇小每月儲下嘅一千幾百元，透過複息效應累積起黎，30 年後就帶可一筆可觀嘅資產，增加退休生活保障。

退休計算機 DIY計吓點樣達成資金目標

如果想知多啲，仲可以登入安聯投資嘅網頁，試吓玩呢部「退休生活資金計算機」，佢識得自動計到實際儲蓄同理想退休資金目標有無差距，同埋差距幾多，然後再同你一齊諗吓計仔，視乎你嘅預期回報率係幾多，再籌備最合適嘅理財方案。依家就 click 入呢度玩吓啦！

馬上登入：退休計算機

本文內所載的資料於刊載時均取材自本公司相信是準確及可靠的來源。本公司保留權利於任何時間更改任何資料，無須另行通知。本文並非就內文提及的任何證券提供或邀請或招攬買賣該等證券。閣下不應僅就此文件提供的資料而作出投資決定，並請向財務顧問諮詢獨立意見。投資涉及風險，尤其是投資於新興及發展中市場所附帶之風險。過往表現並非未來表現的指引。投資者在投資之前應細閱銷售文件，瞭解基金詳情包括風險因素。本文件並未經香港證監會審核。本文件發行人：安聯環球投資亞太有限公司

（資料由客戶提供）