潮媽周家蔚親子打扮貼士 做萬聖節派對最矚目之星

萬聖節到了，不少學校陸續舉辦萬聖節主題派對，讓小朋友可以趁機「扮鬼扮馬」，感受萬聖節氣氛。為人父母的，自然是想子女玩得開心之餘，亦想其造型醒目又搶眼，留下難忘的童年回憶。

想仔仔玩得開心，自然要奇招百出，究竟點做好？今次TOPick請來星級靚媽周家蔚（Janet）與大家享萬聖節為囝囝打扮的心得，她不時都有造型打扮派對需參加，絕對經驗豐富！以下4點，大家不妨參考一下：

1. 親子DIY更開心

在派對中扮鬼扮馬，最重要當然是囝囝玩得開心。Janet說，自4歲的大仔洪大仁（TJ）入讀國際學校後，不時都有造型打扮派對需參加，

有時扮海洋生物、又會扮不同職業的人，所以成日都要去擺花街搵來買比佢地，但又唔知之後有無機會再用。

▲ 周家蔚說，和兒子一同DIY最開心。（潘政祁攝）

為免浪費，Janet亦會嘗試為囝囝DIY，「平時係屋企配搭下，買些不同顏色的布來自己整」。過程中既讓兒子參與製作，亦會採納他的意見，過程中更可順道加深親子關係。

試過整一個好大嘅鯨魚比仔仔揹住，佢又好開心架喎，即係佢有得參與，同你一齊設計出來，佢就會好開心。

【延伸閱讀】萬聖節小童造型教學 1支眼影筆輕易化出海盜妝

2. 全家穿親子裝

如果是全家人出席派對，穿系列式套裝肯定最搶眼。Janet分享，大仔大仁好鍾意巴斯光年、所以爸爸天明就為他買了一套價值2千多元的巴斯光年套裝衫，「有鐳射燈又可發聲，好似好犀利咁。」她形容，囝囝穿著時已好興奮，完全代入角色中，「大家都好投入好開心！」

至於Janet就扮牛女翠絲，天明和細佬竟琋就扮胡迪，出到來效果一流，上載至社交平台上亦人人讚好。今年他們一家人亦可能扮成Star Wars角色亮相，「因為天明好想，但驚好焗，所以仲諗緊。」

▲ （周家蔚提供相片）

3. 男扮女裝更搶眼

許多家長都會貪得意為囝囝反串成女生，Janet亦不例外。她提起該次經歷，「要小朋友開心最緊要著得舒服，有次幫大仔著左件好厚嘅衫，外面再加件袍，但當時天氣仲係好熱，於是就問朋友有無Ballerina件衫，好似成件泳衣咁，將仔仔扮成女仔，佢就開心好多。」

她又笑言，囝囝沒有因此以感到不快，「個時仔仔唔知，而家大個左就會笑返，佢又ok嘅。」

4. Sharp色 + Face-Painting

如子女仍年幼，則宜簡單處理，要突出就不如嘗試Face Painting，簡單畫下塊面效果已經好出。Janet亦曾試過幫大仁在臉上畫豹，十分可愛。

▲ （周家蔚提供相片）

要突出當然亦不宜太沉色，故建議服裝以橙色為主。但最緊要還是肯花花心思，

如果人有我有就突出唔到，肯花多D心思，第日睇返D相，都可以有難忘回憶，小朋友都會開心D。

【延伸閱讀】萬聖節道具購物安全指南　巫婆造型100元有找