避免持之以「痕」註冊藥劑師教選藥效成份

唔少人一到秋冬天乾燥日子，肌膚就會突然失控地痕癢，就算用幾多保濕產品都係止唔到痕，搞到周身唔自在兼無覺好瞓，假如本身容易敏感，又或患有濕疹，情況會更加嚴重。到底點先可以徹底解決痕癢嘅問題呢？

「抓」與「痕」的惡性循環  

簡單黎講，肌膚因為缺乏水份，因此會出現粗糙、繃緊、甚至乾裂同脫皮，即係肌膚因為缺乏咗物理性屏障嘅保護，就容易覺得痕癢，敏感性肌膚或濕疹又會加劇情況。忍唔住抓癢時，輕則導致泛紅或者留下抓痕，一時唔覺意大力咗，抓出傷口仲可能會引致發炎，呢一個「愈痕愈抓，愈抓愈痕」嘅惡性循環亦係咁樣開始嘅。

選衛生署註冊藥效止痕成份

坊間有咁多標示紓緩痕癢產品，到底應該點樣揀先真正幫到自己？註冊藥劑師麥志偉（筆名「小小藥罐子」）教路，購買產品時，不妨留意以下幾個指標：

．認明藥效止痕成份：坊間有啲產品，雖然聲稱可止癢防敏，但本身並唔係衛生署註冊西藥，成效會較為溫和，好多只能做到保濕潤膚。如果想效果更快更明顯，可以選用含有藥用止癢成份嘅潤膚膏，例如抗組織胺（Diphenhydramine）及另一款成份 Crotamiton 等。

．「藥物註冊編號」：產品包裝印有呢個編號（例如HK-XXXXX），代表佢屬於衛生署註冊嘅西藥，符合安全、療效、質量上嘅相關要求，所以功效同安全性都有保障。

．不含類固醇：長時間使用含有類固醇成份嘅外塗止痕產品，有機會導致皮膚變薄。相反，產品不含類固醇嘅話，即係較為溫和同安全，平時可以放心使用。

止癢、消炎、滋潤「三管齊下」：

皮膚痕癢時，除了即時止痕，改善皮膚乾燥情況及消炎同樣重要：「一些滋潤成份例如尿素及 Tocopherol Acetate 等，具有相當顯著的滋潤功效，有助修復皮膚表面屏障。另外，如果產品同時具有消炎作用，例如加入甘草次酸 (Glycyrrhetinic Acid)，便更能多方面去改善皮膚乾燥和痕癢所帶來的問題，效果亦會更加明顯。」麥補充。

藥劑師止癢貼士：

．預防皮膚乾燥：
要中斷「愈痕愈抓，愈抓愈痕」嘅惡性循環，要先由預防開始，平日要選用適合嘅潤膚及保濕產品，減少水分蒸發同流失，修護皮膚屏障。

．即時紓緩痕癢：
痕癢發作時，就要用具有止癢藥效同消炎、滋潤成份嘅潤膚膏，唔好俾自己忍唔住抓。

．遠離致敏原：
濕疹肌同敏感肌都應遠離致敏原，盡量唔好用肥皂沖涼，因為過度使用肥皂會帶走過多肌膚油脂，令肌膚乾燥情況惡化，可考慮使用「無皂」潔膚產品。

除了建議選用不含類固醇產品外，建議亦可選用市面上一啲有齊以上提及多種有效成份，並通過衛生署註冊嘅潤膚膏，證明能速效止癢滋潤消炎，兵分三路一次過解決肌膚問題。
 

(資料由客戶提供)