• 24°C
香港時間:2018年10月19日 星期五 20:51

帶BB坐長途機擔心扭計 荷蘭港媽分享5個實用貼士

16:55 2018/02/07
熱門 星二代 跳躍生命線 綠葉王 零食陷阱 恐怖虐兒 港女出走 港媽移民 TVB藝人 消委會

能夠令港媽幾個晚上訓唔著的,就是迎接12個鐘來回香港嘅長途機,仲要回程只有呠媽一個,真係想起都怕怕。上次香港飛荷蘭,好好彩呠訓足全程。但當時嘅呠只係6個月的一團肉。現在她已經進化成會爬會企會行幾步的一歲女...而我深信這個時期坐長途機係好頭痕,因為她想爬想行想企想玩,淨係好似唔想訓。

不過經過我同荷蘭爸嘅部署,今次總算圓勝呢24個鐘。

1. 自製play zone 

這個功勞歸你啦爸爸。唔知邊度學到今次咁醒,諗到買張布,舖在前面。等呠可以在那裏玩,坐,企。滿足曬佢的需要。我們就去IKEA買了圖中這張毯,好好用!

額外一提,媽媽們應該記住request 坐最前面果行,除非坐business啦。baby如果買正常一個位,好多airline都是無得保證坐最前面的,只可以買bassinet位(即係買個籃)先得。所以如果年齡仲許可,我就建議買bassinet位,反而仲多位比小朋友活動。但Bassinet就都幾細,好似呠咁,6個月時已訓唔到,所以只能夠抱足全程訓,今次都係。

2. 帶唔帶bb車

Bb車其實係可以推到去上機前先交比空姐,當然,check in 時話比空姐知,佢會比個牌仔,咁落機就可以等空姐提取。不過好似呠媽呢類心急形,亦可以購買可提上機size的bb車,記住要帶埋個車套先可在上機!

【延伸閱讀】BB幾時開始食固體食物?營養師推介半歲BB餐單

3. 帶幾多手提行李

真係示乎大家幾人行。好似呠媽,單拖,仲已經有bb車同揹住呠,咁我就只係執到一個袋,以免左一袋右一袋。所以盡量輕便,一支熱水,片片,一套bb衫,餵奶巾,voila! 

大家記住以下: 

有bb可以帶液體上機

可以查下飛機會不會提供片片,如有就唔使咁擔心帶extra

4. BB食乜好

留意,如果係買bassinet seat,大部分airline跟的都是baby canned food ,果蓉果汁那些。如果想要兒童餐,好多airline只要提早通知都無問題。如果要水果,都可以問空姐攞,好多時都有。

5. 帶幾多玩具好?

一兩件其實已經好夠,因為你帶幾多都好,佢都唔會滿足,呢個就係佢地呢個階段嘅特性,對身邊所有事物都充滿好奇心。盡量帶圖書呀,多元化嘅玩具等等,起碼唔會咁快悶。媽媽本身亦是一個玩具,唱歌跳舞玩遊戲,加油喇媽媽。

希望呢啲小分享,幫到所有準備去travel嘅媽媽們啦!

全文刊於港b港媽荷蘭爸爸Facebook,獲作者授權轉載。標題經TOPick修改,原題為「帶BB (10-12months)坐長途機分享」

 

 

撰文 : 港b港媽荷蘭爸爸

相關新聞