洪永城力撐唐詩詠奪視后:你是我心目中最佳女主角

休閒消費 11:50 2018/01/19

分享:

唐詩詠憑《不懂撒嬌的女人》成《萬千星輝頒獎典禮2017》的視后大熱之一。唐詩詠舊愛洪永城昨晚10時(1月18日)在個人社交平台貼出自己於大台app的投票截圖,表明已票投唐詩詠為「最佳女主角」。

洪永城並留言傳情寫道:

「記得曾經問過你,如果你攞最佳女主角,你會講啲咩?你話:『有機會攞先算啦。』今年終於到你。

有樣嘢非常之佩服你,喺劇組咁多年,我從來未聽過一個人講你壞話,只聽到詩詠好、詩詠得、詩詠無得頂,淨係呢個原因你都至少攞個最佳人緣獎啦。

當然你點會剩係得呢個奬咁簡單,見到你每次開劇之前角色上嘅準備工夫,令自己投入狀態,而在劇拍攝中無論自己生活中在幾多嘅情緒,你都保持在那狀態之中,你係我心目中嘅最佳女主角,咁多年嘅努力,希望今次你得。

#最佳女主角唐詩詠

(洪永城facebook截圖)

其實洪永城與詩詠BB去年5月分手後,半年來二人一直單身,而早前更有指兩人已秘密復合,甚至有傳媒指他們暗中約會。

今次洪永城高調力撐唐詩詠當視后,更冧到明寫「你係我心目中嘅最佳女主角」,不知是否詞帶相關?網民對洪永城此舉普遍支持,更有很多留言叫他們復合。

不過洪永城例牌否認復合,表示只是只是出於鼓勵及支持而已。

【延伸閱讀】《萬千星輝頒獎禮》視后之爭 100分女友唐詩詠:每個女人都懂撒嬌

另外,唐詩詠自己也努力發功,聯同《降魔的》提名男配角的「龍貓」何遠東拍了叫《不懂降魔的女人》一條短片,片中何遠東演的士司機,詩詠BB演乘客。因詩詠BB不小心把10元擲中司機何遠東,他說唐詩詠「年紀唔細」,並且是「人哋地話你係不能錯失的女友,我話你係不斷錯失的女人,入行多年都沒拎過獎。」

於是乘客詩詠BB重演《不懂撒嬌的女人》內,與Mall姐(宣萱飾)鬧交的對白,梨花帶雨地說:「係你倒瀉啲粥,累到我畀俾阿媽打到隻腳流晒血!」何遠東於心不忍,表示要投她一票,而詩詠識做讚何遠東的「龍貓」演得好,要投他一票。

此末,詩詠BB問何遠東穿甚麼出席頒獎禮,何遠東答可能是白底衫,之後他反問詩詠BB,女方笑說:「有限奶令喎。」何遠東話:「露背囉!」十分好笑。

【延伸閱讀】《萬千星輝頒獎禮》男配角之爭 《降魔的》何遠東、胡鴻鈞叮噹馬頭

撰文 : 司徒家傑 TOPick記者