一圖睇晒2018年日本櫻花預測開花時間

精明消費 11:42 2018/01/19

分享:

港人熱愛遊日賞櫻,甚至連前教育局局長吳克儉亦曾向學生力讚日本櫻花的美景「好靚!真係好靚!」。春季日本各縣的櫻花將逐漸盛放,而日本最早綻放的櫻花河津櫻,花期比起其他關東地區櫻花期足足早了近個半月,現在就是時候Mark實日本平機票起程!

日本最早綻放的櫻花是靜岡縣伊豆半島的河津櫻,花期由2月10日至3月10日,比起其他關東地區櫻花期足足早了近個半月。

河津位於伊豆半島東岸中部位置,從東京車站乘搭JR超景踊子號或超景踊子號到河津車站,車程共約2個半小時。

河津櫻全都沿河而栽,要賞美櫻,可徒步走下河邊,角度更美。(單志民攝)

河津櫻的特點是沿川栽培,屬堤岸櫻,有些地方甚至形成櫻花隧道,而且櫻花樹下種有油菜花,兩者同期綻放,美不勝收。

【延伸閱讀】日本第一櫻2月10日花期預覽 河津櫻賞櫻攻略

日本天氣預報網站「Weathernews」推算出今季的櫻花大約開花時間,大家買機票前不妨參考一下!

地點 預計開花時間
東京 3月22日
高知 3月22日
福岡 3月22日
靜岡 3月24日
名古屋 3月25日
鹿兒島 3月26日
広島 3月26日
大阪 3月27日
京都 3月29日
金沢 4月4日
福島 4月4日
秋田 4月15日
青森 4月18日
扎幌 4月29日
釧路 5月14日

1. 剛開花時櫻花最靚?

推廣日本之美的網站「絕景日本ZEKKEI Japan」指,通常櫻花開花後,約1週後左右才會成為完全盛放,亦是賞櫻最佳時間,所以遊客最好參考各地櫻花開花預報後,推算約1週後的日期赴日賞櫻。

2. 最好請邊日假去賞櫻?

從上表可見,除了河津櫻在2月開花之外,日本多縣的開花時間均為3月底,換言之大部分櫻花的盛放時間應為4月上旬。

參考TOPick的請假攻略,以5天工作制,星期六、日都放例假的上班族為例,請2月20日至23日可連放10日;請3月30日可連放4日;請4月30日可連放4日。

【延伸閱讀】2018請假攻略 農曆新年請4日放10日

3. 櫻花攝影小貼士

與櫻花合照,應留意與櫻花之間的距離,不能站得太前或太後,否則櫻花或人會變得模糊。拍攝櫻花的最佳時間為日出後或日落前一個多小時。

閃光燈會令相片變得生硬,使用時可加柔光罩或貼牛油紙。

若只拍攝櫻花,需留意櫻花的背景,後面有兩三朵櫻花襯托已足夠。如使用單鏡反光機,可帶備200mm或400mm長焦距鏡頭。