• 23°C
香港時間:2018年10月19日 星期五 03:42

教你上網用「按揭三寶」 一眼睇晒置業隱藏開支

14:28 2018/01/26
熱門 跳躍生命線 零食陷阱 恐怖虐兒 港女出走 綠葉王 港媽移民 TVB藝人 消委會

上次溫經理教落嘅「按揭開門七件事」大受我身邊啲親朋戚友歡迎,問我幾時得閒幫啲準備置業嘅表哥表姐問下溫經理問題,又問我有無方法可以輕鬆啲計首期同按揭供款。所以2018年第一件要做嘅事,就係向Oppa學番幾招傍下身!

小記: 溫經理你好!我又嚟請教有關按揭嘅問題!
溫經理: You are welcome。
小記: 之前問過透過按揭轉介公司申請按揭嘅步驟,真係可以幫到唔少申請人,但市面上有咁多按揭計劃,如果想喺申請按揭前自己計下按揭成數,知道供款大概情況,有無簡單啲嘅方法?
溫經理: 你就問啱人喇!香港人生活咁繁忙,貼心嘅按揭轉介公司當然會考慮到呢點,而有一定規模嘅按揭轉介公司就可以提供到呢啲方便申請人嘅配套服務。好似我哋公司就有「按揭三寶」,幫業主輕輕鬆鬆做好申請按揭嘅準備。
小記: 請賜教!
溫經理: 第一寶,按揭計算機。
小記: 咦,按揭計算機好多間都有,你哋同普通嘅有咩分別?
溫經理: 只要上經絡按揭轉介嘅網站,根據申請人嘅需要,揀選適合自己嘅計算機,例如「計算每月供款」、「加按/轉按」、「計算可負擔能力」、「計算供款年期」,輸入所需資料,完全唔駛諗用咩公式,就可以簡單、快捷、方便咁計算出有關結果,另外仲有埋按揭保費、各項稅款、律師費及代理佣金等開支。最後,仲有好多互動圖表,一眼就望晒啲資料,又清晰又方便。
小記: 嘩,聽落都覺得正,啱晒我呢啲計數唔叻嘅人。
溫經理: 如果你想即時知道有咩優惠嘅按揭計劃,或者搭緊車時想計下預算,仲可以下載「按揭計算機」嘅手機App,只要一部電話在手,就可以隨時計算到每月供款及利息,計啱數入市無煩惱。
小記: 但我有朋友話用按揭計算機計完都唔係好識,唔知有無方法幫到佢哋?
溫經理: 香港人忙於工作,未必抽到時間親身查詢按揭,如果計完數後有咩唔明,就可以用第二寶──「網上即時對話Live Chat」。喺經絡按揭網站嘅右下角有個藍色嘅對話視窗:「請問有咩嘢可以幫到你?」,申請人可以即刻問服務人員,就會有專人回應。如果你唔鍾意用文字對話,亦都可以直接打按揭熱線,有專人接聽,解答你嘅問題。

延伸閱讀:【嚴防按揭資料外洩 三招教你識別不良按揭中介】
延伸閱讀:【教你識別「真.免費」按揭轉介服務】

小記: 果然符合香港人嘅特質:快、靚、正!但我又有個問題,如果我想知我嘅物業市值,係咪要去銀行估價?
溫經理: 咁又唔一定,你可以用我哋嘅第三寶──「網上估價」。只要填上簡單嘅物業資料,就有專人免費幫你估價。
小記: 咁所有事情只要上網就可以搞掂,經絡按揭嘅三大法寶完全照顧晒香港人嘅特質,果然非細公司或不知名嘅中介可比。
溫經理: 但係…
小記: 係係係…
溫經理: 每個人嘅情況都唔同,始終有專人為申請者分析情況會好啲。特別係一手樓嘅業主,其按揭嘅優惠及條款可能更複雜。
小記: 吓!我舅父正準備入市喎,一手樓按揭暗藏咩危機呀?
溫經理: 近兩年多新盤推出,發展商推出嘅優惠五花八門。有啲高成數按揭嘅計劃更唔受金管局規管,例如一按、一按加二按組合及首數年供息不供本,之後先供本金嘅計劃,頭個幾年嘅供款利率係就係兩至三厘,但之後嘅年期就會升返做最優惠利率(P),分分鐘要長期比貴息,所以簽約前揾按揭轉介傾下就穩陣啲!

延伸閱讀:【一張圖睇晒 一手二手樓按揭大不同】
延伸閱讀:【當買樓遇上加息點算好?】

小記: 舅父都考慮過,佢話到時轉按就無問題,乜唔係咩?
溫經理: 轉按好多時都取決於當時嘅實際環境。以一千萬嘅單位為例,如果選用首三年供息不供本嘅按揭計劃,按揭成數八成半,首三年付年利率2.15厘計算,就要付$548,250。三年後如果想轉按又維持按揭餘額850萬,買家轉按至銀行最多只借到500萬,除非樓價有七成升幅,買家先唔駛額外「抬錢」,如果唔係就要繼續支付較高利息。所以,有著數嘅轉按要視乎當時嘅樓價及按息嘅上升幅度,及轉按嘅按揭成數。
小記: 多謝溫經理及時提醒。
溫經理: 客氣客氣。不過如果你想更清楚自己嘅情況,與其估估下,橫掂都免費,不如直接搵經絡按揭轉介查詢,既具規模,又有詳盡嘅分析及評估,更可以賺到現金回贈,讓申請人喺瞬息萬變嘅按揭市場,紥穩腳步,安心置業。
小記: 多謝溫經理嘅指教,等我過兩日約舅父飲茶,傾下按揭嘅部署先。 

延伸閱讀:【小記直擊按揭轉介服務 溫經理教你按揭開門七件事】
延伸閱讀:【新婚夫婦上車 點做按揭最有So?】
延伸閱讀:【一張圖睇晒私樓、居屋、村屋3類按揭分別】
延伸閱讀:【有片:按揭慳錢有妙法】

(資料由客戶提供)