新年辦年貨　海味店老闆娘教睇罐頭鮑魚標籤【有片】

新年辦年貨，團年飯用罐頭鮑魚做餸是熱門菜式。每罐罐頭鮑魚上都有頭數，例如4頭、6頭、10頭等，許多人以為罐頭鮑魚這些數字愈多愈好。究竟是否如此？罐頭鮑魚怎煮好食？就由海味店恒興行老闆娘Macy話你知，去片看看：

Macy說：

好多人買鮑魚時，都會誤會罐頂上的10頭，以為等於乾鮑的一斤10頭。其實不是的，正確來說是表示這罐頭有10隻鮑魚。

▲ 罐上的頭數，說明裏面的鮑魚數量。（程志遠攝）

【延伸閱讀】辦年貨必讀！罐頭鮑魚要點揀？

所以罐頂上的數字愈多，即表示罐內的鮑魚數量也愈多，但每隻鮑魚的體積相對細了。Macy謂無可否認，愈大隻鮑魚，味道愈濃郁。但都要因應食法如何。

Macy說：

如要菜式賣相夠體面，大大隻的原隻放菜式上最好。但如用來蒸飯配雞等，相對體積細些，吃來亦夠口感的。

Macy說到自己最喜歡怎樣食罐頭鮑魚：

話明是罐頭，一定要方便，一開即食，做涼拌菜最好。有些人教還要連罐放進水中煲烚幾小時，費時失事。不過的確烚過是會口感軟腍些的，可能老人家或小孩的牙力不夠，可試試。

▲ 罐內的鮑魚數量多，每隻鮑魚的體積相對細了。（程志遠攝）

最後，Macy還私下給大家一道涼拌鮑魚竹笙黑木耳，作為新年前菜，意頭好又美味！ 

▲ 恒興行老闆娘Macy。（程志遠攝）

做法：

1.竹笙浸水30分鐘後洗淨，切去頂部。
2.黑木耳浸水1小時後洗淨去蒂。
3.竹笙和黑木耳汆水1分鐘，撈起放入冰水中浸一浸，撈起瀝乾後，切絲。
4.青瓜洗淨後去瓤，拍扁後切碎用少許鹽醃10分鐘，隔水瀝乾。
5.鮑魚抹乾後切片。
6.把所有材料和調味配料撈勻即成。（辣度可隨喜好自行增減）

▲ 涼拌鮑魚竹笙黑木耳（被訪者提供）

延伸小知識

出產罐頭鮑的地方遍布全世界，墨西哥、澳洲、紐西蘭等地，當中墨西哥價錢偏高，後兩者整體鮑魚味又較淡。

近幾年口碑佳的罐頭鮑魚推介南非出產，價錢合理，整體鮑魚味又濃。

食落質感不俗，大隻的可切片或切粒當小食，細隻的更可以原隻自用或請客，方便快捷，亦夠體面。