黃子華棟篤笑《金盆𠺘口》開售 回顧子華神棟篤笑經典人生金句

休閒 13:46 2018/04/23

分享:

黃子華最後棟篤笑《金盆𠺘口》

黃子華最後棟篤笑《金盆𠺘口》於4月24日公開發售,勢引搶飛熱。子華神為打擊黃牛黨炒賣棟篤笑門票,決定《金盆𠺘口》加開9場、即合共開26場,並每人限購最多4張黃子華棟篤笑門票。子華神棟篤笑能夠受歡迎,除好笑外,還因具人生的哲理。黃子華的棟篤笑有愛情金句、職場金句,最重要有人生金句。

眾所周知,黃子華在大學時修讀哲學,所以子華神的棟篤笑對人生觀察很細膩。對人生的成敗、生死、成長等的見解,以幽默方式表達出來。

論失敗

  • 人生三大矛盾:搵食啫!犯法啊?我想㗎?
  • 點解你嘅人生咁失敗?因為睡眠並不致富啊!
  • 錯就要認,要對方認!
  • 世上無難事,只要肯屈服!

論死亡

  • 最無風險嘅事係等死,你一定等到!
  • 做人唔好要求太多,唔好要求咩食得招積,我但求係死得舒適。
  • 我覺得非常有資格自殺嘅人就係屈原嗰種,即係你自殺,然後大家有公眾假期!
  • 偉大的藝術家死後才會受到世人的尊重,而我比這些偉大的藝術家還要偉大,因為我死後都唔會受到尊重!
  • 你咁戇居嘅,你好學唔學,做咩要死呀?你死嘅時候,死會嚟搵你丫,你去搵佢?
  • 生命就是自助餐的過程,很多嘢食、很多選擇。而自殺果啲就係,食咗兩啖然後叫:「埋單!」

論成長

  • 成長就是,從有病到冇得醫。
  • 對一個幻想出來嘅人感到內疚,呢啲就叫幼稚,而對一個真實不幸嘅人可以無動於衷,呢啲就係真正嘅長大。
  • 當你覺得自己有運行嘅時候,代表你就黎「瀨嘢」。

論香港

  • 香港嘅精神,就係「冇精神」。
  • 人類有人類自己嘅食物鏈,人類嘅食物鏈簡單好多,只有三種。最下層係無產,中層係中產,頂層係X家產!
  • 知唔知一國兩制最偉大地方係乜?就係肯承認佢自己個制,真係嚇親人!

【睇更多黃子華訪問】

【延伸閱讀】黃子華最後一次棟篤笑 子華神夭心夭肺愛情金句回顧

【延伸閱讀】黃子華金句語錄:講得出「好鍾意返工」一定鬼上身

【延伸閱讀】黃子華歷年棟篤笑 YouTube官方頻道免費任睇【附連結】

【延伸閱讀】黃子華由絕處到子華神 棟篤笑場場爆滿的神話 

撰文 : 林曉藍 TOPick記者