石棺藏屍案次被告斥其他被告夾口供

荃灣工廈石棺藏屍案，涉案3名無業漢被控謀殺罪，案件今於高等法院續審，控方續於庭上播放次被告替警方進行錄影會面情況。次被告於錄取第4次錄影會面期間，向警方表示質疑另兩名被告「佢哋夾埋嘅」，要求看過其他被告及特赦證人「小草」的錄影會面記錄後才肯合作。次被告看過其他錄影會面後，向警方補充時表示「無拿拿話我殺咗佢，九唔搭八」，「無拿拿關我咩事，點解我有份，完全唔明」，並指「我變了行凶手，調翻轉⋯⋯首被告乜都話唔關佢事」，次被告最後向警方指「呢刻到我要爆嘢係咁上下」。

次被告看過其他兩名被告及「小草」的錄影會面記錄後，他引述第三被告稱「首被告話死者想呃佢錢，首被告想老笠佢，無拿拿話我殺咗佢，九唔搭八」。次被告又指「小草」稱2016年3月4日返回涉案單位時「話我瞓覺」，第三被告則「無話我響上面」。

次被告續指首被告沒有提及買菜刀用作肢解，「根本佢話肢解、放血，我睇佢親手放嘅，有無手套我唔記得」。次被告又指當時「我即頭唔想阿草去台灣，因為佢一個女仔只會令我哋好麻煩，佢本身公主病，好麻煩」。

3名被告分別為曾祥欣(27歲)，劉錫豪(22歲)，張善恒(24歲)，3人均報稱無業，同被控1項謀殺罪，控罪指他們約於 2016年3月4日，在香港謀殺張萬里(28歲)。