法國烹飪藝術課程 Best of the Best 爭霸戰

喺香港上烹飪課程上到可以去法國米芝蓮餐廳實習？講緊係由Disciples Escoffier法國廚師會及煤氣烹飪中心合辨嘅「法國烹飪藝術專業文憑課程」，日前集合首屆嘅Best Students最佳學生，進行一場既緊張又色香味滿瀉嘅比賽！冠軍仲可以飛到法國嘅米芝蓮餐廳實習㖭！

▲ 法國駐港澳總領事Mr. Eric Berti （後排左九）、法國分會亞洲區主席Mr. Robert Fontana（後排左六）、香港中華煤氣有限公司零售市務及營業總經理王佩兒女士（後排左五）及「法國糕餅烹飪藝術文憑課程」學生，連同各國星級名廚評判合照。

煤氣烹飪中心聯乘Disciples Escoffier法國廚師會開辦的「法國烹飪藝術專業文憑課程」係烹飪界神級課程之一，備受國際廚壇認可，完成課程及通過考試後，可獲頒發「法國Disciples Escoffier文憑證書」及「法國廚藝訓練第五級證書」，後者由法國教育部頒發，係喺法國開餐廳嘅官方認證。及後更開辦「法國糕餅烹飪藝術文憑課程」，仲有米芝蓮星級或國際頂級名廚任教，仲有專業認証可於法國開餐廳。喺煤氣烹飪中心全新烹飪實習室上堂，設備完善一人一個Cooking Station，上堂理論同實踐並重，由基本技巧、法國菜歷史、廚藝理論到餐廳管理都係內容入面，吸引好多視美食為藝術的人參加，而且課程有別於部分國際性的專業法國廚藝訓練，是由專業導師提供針對學員個人及全面性的培訓㖭！加上法國廚師會在飲食界廣闊的人際網絡，更加可以助學員拓展酒店或餐廳營業中取得事業發展的機會，想學習法國美食或甜品知識、廚藝愛好者或有意投身飲食界嘅朋友記得參加！

▲ 3位Best of the Best得獎者（右至左）亞軍龐美華Tata、冠軍梁雪霞Emma及季軍徐永發Francis同樣希望未來煮食技巧更加精進。

香港體驗法國專業課程 名廚出高徒

比賽當日，首屆「法國烹飪藝術專業文憑課程」畢業生梁祖堯（Joey Leung）都係參賽者之一，佢亦同時修讀「法國糕餅烹飪藝術文憑課程」，呢兩個課程畀 Joey 好好嘅回憶：「名廚教烹飪完全係精益求精，每次食材都由法國空運到港，有次一打開見到條叫John Dory嘅魚，你唔會喺香港街市、超市搵到，打開魚眼仲Bling Bling咁，你就知道條魚上咗水冇幾耐就空運過嚟！」課堂認真而嚴謹，但都有好玩時候，「Chef要我哋認識食材，果幾堂一次過放十幾廿種芝士去逐樣試味，又試過生蠔、魚子醬，開party咁好開心，計返學費仲物超所值。」

▲ 首屆「法國烹飪藝術專業文憑課程」畢業生梁祖堯（Joey Leung），認為比賽過程中最尾 15 分鐘心情最緊張。

▲ 由法國烹飪中學做人，Joey覺得煮食可以訓練耐性：「好似煮洋葱咁，一定要慢慢煮，你夾硬較猛火煮，咪燶囉！」

嚟幫 Joey 打氣嘅演藝界名人谷祖琳，原來同Joey一齊讀緊「法國糕餅烹飪藝術文憑課程」：「修讀國際級名廚級課程係我夢想嚟，覺得都幾遙不可及，我要湊小朋友又要開工，要離開香港學實在抽唔唔到身。但呢個課程喺香港上堂方便好多。上堂會感受到Chef好respect個recipes，因為溫度差一度，個甜品可能完全失敗，我真係好鍾意啲Chef俾嘅小秘技。」

▲ 演藝界名人谷祖琳到場為老友做啦啦隊打氣！

▲ 谷祖琳讀緊「法國糕餅烹飪藝術文憑課程」，好彩課程唔使去外國讀，等佢可以照顧到屋企！

▲ 「法國烹飪藝術專業文憑課程」畢業生出路選擇眾多, 其中名人畢業生泰山於煤氣烹飪中心任客席導師，教授煤氣烹飪中心會員製作法國菜技巧，課程大受歡迎。

經過法國廚師會分會會長兼來自國際星級名廚評判團，就創意、口味、煮食流程、食物衞生等全方位畀分後，冠軍落入梁雪霞Emma手中，佢相信食物可以凝聚親朋好友，又欣賞「法國烹飪藝術專業文憑課程」教學一絲不茍：「課程由基礎開始，講解好多法國廚藝背後理論，示範完會逐一睇學生有冇錯，會試味，又好願意答我哋啲問題。今次贏到有機會去法國米芝蓮餐廳實習，一世人流流長，多一個生活體驗幾難得。」亞軍龐美華Tata係麵包師：「學嘅嘢同法國課程完全一樣，教識我哋更專業處理食材。幾位專業考官喺法國專誠飛嚟，感覺好重視我哋呢邊嘅學生，考試同法國一樣係好平等。」鍾意釣魚吃魚，本意想多學煮海鮮方法的季軍徐永發Francis：「內容比想像中深入同埋全面，一個湯一個汁都造得好仔細，上堂有壓力㗎，不過係正向嘅壓力，令自己更有要求，『法國廚藝訓練第五級證書』更加係一種肯定。」

▲ 冠軍梁雪霞Emma獲得法國米芝蓮著名餐廳實習機會，認為人生難得一次。

若果你對飲食都有份熱誠同執著，不妨去聽下簡介會，下一個Best of the Best，分分鐘就係你！

法國烹飪飲食藝術文憑課程 - 課程簡介會
日期：2018年6月19日 (星期二)
時間：第1場 - 下午3-5時
　　　第2場 - 晚上7-9時

法國糕餅烹飪藝術文憑課程 - 課程簡介會
日期：2018年6月6日 (星期三)
時間：第1場 - 下午3-5時
　　　第2場 - 晚上7-9時

地點：煤氣烹飪中心 (銅鑼灣利舞臺9樓) 

報名熱線：2576 1535

（資料由客戶提供）